21/12/12

IAS llama a movilizase pola presencia de la llingua asturiana nel enseñu



La formación soberanista encamienta a la comunidá educativa, y al conxuntu de la sociedá asturiana, a movilizase en defensa de la presencia de la llingua asturiana na enseñanza.

Izquierda Asturiana considera que "L'actual anteproyectu de llei d'educación (LOMCE) dexa fuera la posibilidá de que l'asturianu tea presente como materia a impartir". Nesi sen, afiten que "La condición de llingua non oficial del asturianu va facer imposible, col nuevu marcu, la so inclusión nel currículum", fechu que yá denunció díes atrás l'Academia de la Llingua Asturiana.

N'opinión d'IAS, "Una vez más pagamos les consecuencies de que'l asturianu nun seya oficial", al tiempu que denuncien que "esti pue ser l'asaltu final a un idioma milenariu que muerre adulces ente la desidia y la hipocresía de la clase política asturiana". Como consecuencia, anuncien que "vamos entamar aiciones lo más xunitaries posibles pa valtar esta agresión".

Fonte: Infoasturies

6 comentarios:

  1. Hai que tomar midíes d'urxencia.

    ResponderEliminar
  2. Està bé que es mobilitzin en contra de la llei Wert però quan la retirin (que la retiraran) cal aprofitar l'impuls i continuar reclamant l'oficialitat i la presència a l'escola com a llengua vehicular.

    ResponderEliminar
  3. No van retirala, va quedar ehí, vas velu, son muy cabezones pa les coses polítiques ycontra'l catalán.

    ResponderEliminar
  4. N'especial contra el catalán.

    ResponderEliminar
  5. Hai que consiguir la oficialidá de la llingua. Lo del catalán ye verdá ¿porqué va ser?

    ResponderEliminar

Los comentarios tán pendientes de moderación. Espublizaránse lo primero dable.