Ediciones vieyes del selmanariu Les Noticies
Publicaciones Ámbitu ta acabante anunciar la fin de la so actividá editorial dempués de más de 16 años. La empresa editora de Lesnoticies.com y hasta non va muncho de la edición en papel d’esi mesmu periódicu, prescinde de tola plantilla por razones económiques. Según espliquen “la crisis que vive'l nuestru país fai inviable la pervivencia d'esti mediu dixital, que se convirtió nun referente de la comunicación n'asturianu”. Una nota de prensa y una carta del so fundador, Inaciu Iglesias, pon fin a l’actividá d’esta editorial y esti mediu de comunicación.
Ente les razones del pieslle espliquen “la mengua tremenda de los ingresos por vía publicitaria y de les ayudes públiques al usu del asturianu”. Una mengua denunciada estos meses atrás por organizaciones como la Xunta pola Defensa de la Llingua Asturiana o Iniciativa pol Asturianu y que tán llevando per delantre esperiencies con bien d’años al llombu.
Publicaciones Ámbitu agradez tamién na nota “a los sos llectores, anunciantes, collaboradores y trabayadores de toos estos años el papel que xugaron pa que tanto Les Noticies como LESNOTICIES.COM vieren la lluz y cumplieren cola so periodicidá”. Nesti sen, la empresa diz: «Gracies a una inciaciativa privada y al apoyu de les instituciones y de la sociedá asturiana, fuimos quién –toos en xunto– a dotar a Asturies d'un mediu de comunicación n'asturianu. Con esta experiencia colectiva arriquecimos el nuestru pasáu recién y dexemos el camín abiertu pa que, nel futuru, otros profesionales puedan facer y sigan faciendo comunicación profesional n'asturianu».
Publicaciones Ámbitu anunció amás que va editar en feches próximes dellos llibros que tan dientro de la so planificación y, tres d'ello, va acabar tamién cola so actividá editorial y discográfica, “anque los sos fondos editoriales y discográficos van siguir comercializándose en llibreríes y tiendes de discos”.
Fonte: Asturnews
Esto ta supermal, xiblíos a quien correspuenda
ResponderEliminar¡qué pena! vamos pa tras esto ye de culu.
ResponderEliminarSí que tamos mal, o permal, l'asturianu tamién va mal na prensa escrita ya internet y aa les clares naide paez molestase munchu por ello ¿ye que tien que ser asina?...
ResponderEliminarY'el síndrome de los tiempos que cuerren na prensa en xeneral, lo peor ye qu'amás son medios que publiquen n'asturianu, ¿hai dalgún remediu?
ResponderEliminar¡¡¡vergoña!!!
ResponderEliminarYe la crónica d'una muerte anunciada y ensin remediu pa dolor de muncha xente.
ResponderEliminarAcabóse, rapazos.
ResponderEliminar