Manifestación polos drechos llingüísticos del catalán

Castelló per la Llengua –qu'axunta una ventena de sindicatos, organizaciones, partíos políticos y asociaciones culturales de Castelló– convoca a la sociedá de too el dominiu llingüísticu catalán a acudir a Castelló'l 15 d'avientu pa conmemorar los 80 años de la firma de les Normes ortográfiques del 32. Asina, van entamar una manifestación col lema «¡Que nun te recorten la llingua! ¡Polos derechos sociales y llingüísticos: toes y toos en Castelló!».

La organización reivindica una escuela valenciana, pública y calidá, «y nesti sentíu esiximos la retirada del decretu, que con una retórica plurilingüe marxina'l valencianu a la escuela». Tamién muestren el so apoyu a la llucha contra la privatización de RTVV y piden la llibre recepción y reciprocidá ente Tv3, IB3 y Canal 9, «televisión que queremos con conteníos plurales y de calidá y íntegramente en catalán». P'acabar, señalen que se manifiesten a favor de la unidá de la llingua catalana y por un modelu de llingua común, flexible y integrador de la diversidá.

Fonte: Les Noticies