La Xunta pola Defensa de la Llingua Asturiana decidió conceder esti 2012 el Pegollu de los Premios Andrés Solar a los decanos del rock astur y a la editorial uviedina «pol so apueste decidíu pola música y lliteratura a lo llargo de bien d'años, demostrando que l’asturianu ye una ferramienta útil y necesaria nel rellatu de la contemporaneidá d'Asturies».
Otra manera, la versión negativa, el Madreñazu, reconoz a la persona o entidá que rescamplaren pol so llabor negativu pa cola llingua asturiana. Na edición del 2012, va pa los recortes en materia llingüística y pa la Llei Wert. «Nos últimos años, con diferentes gobiernos y cola pasividá de los grupos parllamentarios, tamos asistiendo a la aplicación d’un programa sistemáticu de desmantelamientu del texíu cultural y mediáticu n’asturianu», afirma la organización, qu'añade que no que cinca a la llamada Llei Wert, «namás hai que dicir qu’introduz modificaciones brutales que puen suponer un peligru de desaniciu de la enseñanza de la llingua, que yá ta nuna situación de marxinación llaceriosa».
La entrega de los Premios va facese’l día 15 d’avientu a les 19.30 hores, nel Salón d’Actos del Antiguu Institutu de Xixón. L’actu va contar cola actuación musical de Dani Stylo que va facer reellaboraciones de temes históricos de Dixebra. Tamién, como tolos años, depués de l’actu va haber una espicha nel chigre xixonés Canteli, la entrada val 20 euros. Pa dir, hai qu’acutar sitiu y llamar al 985229553 o mandar corréu a info@exunta.org, primero d’esti 13 d’avientu.
Fonte: Les Noticies
Pasa'l tiempu pero Dixebra ta cada añu muncho meyor ¡alantre!
ResponderEliminarDixebra van a meyor, a más.
ResponderEliminarEsti día na Llaboral dieron un magníficu conciertu del gustu de too el mundu européu y aplaudióse-yos como borra, bien por Dixebra.
ResponderEliminarY por qué nun se premia a Espublizastur, Suburbia o otres editoriales que lluchen por sobrevivir publicando n'asturianu? Acasu ye porque nun reciben suvenciones, favores y prebendes del PSOE o porque nun tán nel espediente de la Operación Riopedre? Igual ye por eso...
ResponderEliminarHome eso de qu'Espublizastur nun tien sovenciones ye una manera dicilo ¿non? Porque toles perres que llevó la revista La Sidra ¿pa qué bolsiellu van?
ResponderEliminarPa refundaciones "nacionaliegues", "comu" ye lo tuyo "rapazamientu"
Deberíen recibir premios Espublizastur o Suburbia y non Trabe porque les dos primeres nun tan nel Casu Marea-Riopedre y Trabe sí.
ResponderEliminarEvidentemente Trabe recibió abondos milenta más favores-prevendes y provolexos del PSOE que les otres editoriales porque tantu maríu como muyer trabe yeren dambos los dos miembros del clú de la psoe.
ResponderEliminaresto ye lo que publicó la prensa del casu riopdre onde se ta investigando a Trabe y a Saltadera S.A., la Xunta Pola una vegada más nótase que son cómplizes de la PSOEIU:
ResponderEliminarAntón García y la so esposa, la funcionaria Consuelo Vega, alcuéntrense implicaos nel sumariu de la xuez Pandiella sobre los supuestos delitos de corrupción, cohechu, fraudes, exacciones illegales y tráficu d’influencies ya conocíos como’l Casu Riopedre. L’Axencia Tributaria facilitó a la xuez Ana López pandiella, atendiendo a la so solicitú, una rellación de más de 200 empreses que son titularidá de funcionarios del Principáu y de respectivos cónyuxes. Llama l’atención que de toes elles la xuez Pandiella esbillara a 22 empreses que son les qu’apaecen nun llistáu nel sumariu del Casu Riopedre. Ta constatao que munches son empreses de militantes socialistes o de familiares mui cercanos, dirixentes y cargos públicos del PSOE. En Xixón, dellos partíos políticos lleven años denunciando esti entramáu d’empreses ilícites directamente vinculaes a socialistes que lleven munchos años beneficiándose xenerosamente d’axudicaciones y contratos públicos.
Dos d’estes 22 empreses señalaes pola xuez Pandiella son les empreses Trabe y Saltadera, propiedá del poeta Antón García que foi Direutor de Política Llingüística del gobiernu socialista nos años 80 y que introduxo a la so muyer, Consuelo Vega, como funcionaria de carrera na mesma oficina dependiente entós de la Conseyería de Cultura. Consuelo Vega, dempués de pasar per Presidencia trabayando pa Alvarez Areces pasó a ser direutora xeneral de Cultura hasta fecha mui recién y ta casada con Antón García. La editorial Trabe vendiéronla hai unos años ante los rumores d’investigación xudicial y Saltadera ye una nueva productora de televisión, creada de la nada y montada "ad hoc" pa ellaborar y facturar programes pa la televisión pública TPA y pa la radio pública RPA onde Antón García tamién xestiona un programa de radiu.
¡vaya banda!
ResponderEliminar...de bandidos y apandadores, sálvese'l que pueda.
ResponderEliminar