La Escuela de Música y Danza Tradicional del Conceyu de Cuaña, da la bienllegada a la Navidá al traviés de la música esti sábadu 15 d’avientu na Casa Cultura d’Ortiguera. Y pa ello, anguaño, va cuntar con unos invitaos d'esceición, el grupu de música folk “Tuenda”. El perconocíu grupu ta formáu por Elías García, Pepín de Muñalén y Xosé Antón Fernández “Ambás”.
Esta actividá, enmarcada dientro del ciclu comarcal de conciertos “Conceyo de cantares nel Parque Histórico del Navia”, ta sovencionada pola Conseyería d'Educación, Cultura y Deporte y llevada a cabu en collaboración cola Fundación Parque Histórico del Navia.
Amás los alumnos de la Escuela, nes especialidaes de gaita asturiana, acurdión diatónicu, percusión tradicional asturiana, pianu, guitarra y gaita gallega van ufiertar un ampliu repertoriu tantu de música clásica como tradicional. Van tar acompañaos, nes sos actuaciones respectives, pol profesoráu qu'imparte les distintes asignatures.
La entrada ye llibre y de baldre. Amás, mientres el Festival va rifase una cesta navidiega.
Fonte: Asturnews.
Ye una guapa ocasión pa faer patria, pa faer Asturies.
ResponderEliminarMúsica tradicional asturiana en Cuaña con grandes invitaos al eventu y los alumnos de la Escuela y el so profesoráu, felicidaes y norabona a toos ellos y a los acompañantes.
ResponderEliminar