31/12/16

L'humor acedo pal fin del añu y... pal que vien

"...Ye impar... pase"

El Norte de Castilla, 31 d'avientu de 2016, por Rafael Vega "Sansón"
Fonte: elnortedecastilla.es

Bon añu 2017



Bon Nadal y Bayurosu Añu 2017

Bon Nadal i Feliç 2017


Bom Natal e Feliz 2017


Zorionak eta Urte Berri On 2017


Bon Nadau e Erós 2017


Merry Christmas and Happy 2017


Joyeux Noël et Bon Anné 2017


Fröliche Weihnachten und ein gutes neues Jahr 2017


Feliz Navidad y Próspero 2017

30/12/16

Los alumnos gallegos son los que más llibros tienen en casa y los canarios, los que menos

L'Informe TRIA 2015

   Los alumnos gallegos de 15 años son los que más llibros tienen en casa, porque’l 33% afirma que cunta con más de 200 exemplares, siguíos de los vascos (31%), aragoneses y madrilanos (30%), toos ellos percima de la media española (24%), de la OCDE y l’UE (dambes del 22%). D’otra manera, namái’l 12% de los estudiantes canarios disponen d’esti númberu de llibros nel so llar.
  Asina lo indica l’últimu informe del Programa d’Evaluación Internacional d’Alumnos de la OCDE (TRÍA 2015), presentáu apocayá, que dende l’añu 2000 tien en cuenta la variable del númberu de llibros en casa y rellacionar coles resultancies nes pruebes de Matemátiques, Llectura y Ciencies.
  Esta ye la primer edición del informe internacional na que participen toles comunidaes autónomes, de manera que puede establecese tamién una comparanza nesti ámbitu. “El númberu de llibros nel llar ye un bon predictor del rendimientu nos trés árees evaluaes, anque non puede establecese una relación causal directa”, señalen el autores del documentu de la OCDE.
  Apunten que los alumnos con un númberu de llibros igual o inferior a 10 llogren una media de 420 puntos en Ciencies, que los asitia nel estremu inferior del nivel 2 de rendimientu (baxu). Sicasí, si’l númberu de llibros de los que dispon l’alumnu supera los 200, la so puntuación media aumenta hasta los 542 puntos, una diferencia de 122 puntos.
  Na media de la OCDE esta distancia de rendimientu ente l’alumnáu con más de 200 exemplares en casa y el que cunta con diez llibros a lo más ye menor que n’España y asítiase nos 115 puntos. Los porcentaxes por comunidaes autónomes reflexen que tres Canaries, ye Andalucía ye l’autonomía con menos proporción d’estudiantes con más de 200 llibros en casa (16%), siguida de Murcia (17%), Baleares (19%). Cerca de la media internacional de 22% asítiense Estremadura (20%), Castiella-La Mancha (21%) y La Rioxa (22%).
  Na media española (24%) atópense y Cataluña, Cantabria; daqué percima, la Comunidad Valenciana (25%) y Asturies (26%); y a más distancia, Navarra (29%), Aragón y Madrid (30%), País Vascu (31%) y Galicia (33%).                                            Fonte: asturnews.com

Escola Valenciana ha proclamat el '2017 - any per la igualtat lingüística'

Escola Valenciana ha proclamat el “2017: any per la igualtat lingüística” durant la reunió extraordinària de valoració i organització de nous projectes. L’acord subscrit pels membres de la Junta estableix la creació d’iniciatives de diversa naturalesa i pren la protecció de l’estatus legal del valencià com a eix central. Amb tot, Escola Valenciana pretén conscienciar la ciutadania sobre la implantació d’una llei que iguale els drets lingüístics dels valencianoparlants als dels castellanoparlants.

En valencià, creixem en igualtat lingüística.

El Manifest de les Trobades d’Escola en Valencià 2017, “En valencià, creixem”, prendrà com a nucli argumental la necessitat d’una llei d’igualtat lingüística que millore les mancances de la Llei d’ús i ensenyament del valencià –LUEV– i, a més, dissenye un pla d’estudi per dotar tot el funcionariat amb la plena competència lingüística.

Fonte: LaVeuPV.com

Podemos considera’l cine en llingua asturiana “fundamental pa la normalización”



La diputada Lucía Montejo presentó’l paquete d’enmiendes de Podemos Asturies a los presupuestos nel sector cultural. Nél demanda una partida de 90.000 euros pal apoyu y promoción del cine en llingua asturiana, dalgo que la parllamentaria considera “fundamental pa la normalización” del idioma.
Les seis enmiendes parciales a los presupuestos nel sector cultural que presenta Podemos Asturies van aldericarase mañana na Xunta Xeneral –xunto coles otres enmiendes presentaes por tolos grupos de la oposición– tán destinaes “a ameyorar la eficiencia na xestión de los recursos, apostando, sobre manera, por aquelles necesidaes más urxentes” en beneficiu de “artistes, la creación audiovisual y les empreses culturales asturianes”, apunten dende la formación morada. Ente ellos destaca’l pidimientu d’un partida de 90.000 al apoyu y promoción del cine en llingua asturiana, amás d’otra de 60.000 euros pa beques p’artistes que, en dambos casos, retrayeríense de la partida destinada a reuniones y conferencies. “Detectamos dellos casos de xestión mui deficiente de los recursos nel ámbitu de la cultura y por eso apostamos por redistribuyilos y destinalos ónde se necesiten”, afirmó Montejo.
Otru aspeutu nel que calca la diputada ye’l cumplimientu del 1 por cientu cultural, una midida que contemplaba l’artículu 99 de la Llei de Patrimoniu Cultural d’Asturies, suspendíu dende’l 2013. Montejo esplicó que l’oxetivu de la enmienda ye “recuperar una parte importante de la financiación al traviés de fondos públicos pal sector cultural, ún de los más castigaos pola crisis”.
En cuanto a la industria audiovisual, la diputada afondó nel casu “especialmente sangrín” de la RTPA, “una empresa pública con menos de 140 trabayadores na que, coles incorporaciones nueves, cuenta con nueve direutivos y casi cuarenta puestos intermedios”. Podemos Asturies apuesta por racionalizar los fondos que se destinen al ente públicu de comunicación “cola reducción equivalente al salariu de los trés direutivos nuevos nomaos a deu –159.140 euros–, condicionando cualquier incrementu futuru nel presupuestu a un recorte nel gastu en direutivos”.
Esta cantidad destinaríase a fortalecer el texíu audiovisual asturianu, aportando los fondos a premios, beques y actividaes culturales pa mozos creadores, asina como a ayudes a la realización d’actividaes y obres audiovisuales con perspeutiva de xéneru.
“La cultura nun ye fartura”
En referencia a la Fundación Princesa y la promoción cultural del país, Podemos Asturies propón l’adecuación de la subvención pa sufragar los gastos de caráuter cultural dafechu, eliminando aquellos destinaos al despilfarru de fondos públicos de cultura. “La cultura nun ye fartura. El dineru de les fartures vamos destinalo a fortalecer les ayudas a les pymes culturales asturianes, que son les verdaderes dinamizadores del sector cultural nel nuesu territoriu”.
Por último, la formación morada prentende una partida de más de 7.000 euros pa la democratización de la ópera. Asina propón la creación de tickets a precios asequibles pa estudiantes universitarios cola fin de que puedan disfutar d’esti xéneru.
Semeya obra d'Iván G. Fernández.
Fonte: Asturies.com

29/12/16

2017 pue trayer una medría de la Rede de Normalización

Presentación Xornaes Patrimoniu

  IX va defender delles enmiendes a los presupuestos p’abrir una oficina de normalización llingüística en Ribesella, al mesmu tiempu que’l tripartitu d’Uviéu fai anuncia de la puesta en marcha esti añu venideru de la Oficina de Normalización nel conceyu uvieín.
 Izquierda Xunida va reclamar una medría de les inversiones del Gobiernu autonómicu pal oriente asturianu, pa lo que yá emprestó delles enmiendes parciales a les cuentes que defende l’executivu rexonal. Y ente les midíes que s’esixen, reclámense recursos pa l’apertura d’una una oficina de normalización llingüística del asturianu, financiada, como asocede n’otros conceyos, fundamentalmente pola Conseyería d’Educación y Cultura.
 Esa enmienda, pa la que se preve una inversión de 14.000 euros, sofítase en que la llingua propio y tradicional d’Asturies ye parte sustancial del patrimoniu cultural de Ribesella. La propuesta formulóse teniendo en cuenta les demandes que, en tal sentíu, realizó’l colectivu Pueblu.
 Sigún Izquierda Xundia, cola apertura d’esta oficina daríase cumplimientu a la voluntá de la mayoría de la población pa la normalización y recuperación llingüística del asturianu, que se reflexa nes encuestes sociollingüístiques realizaes nos años precedentes y concrétase na demanda o aspiración d’un futuru billingüe y equilibrao ente’l castellán y l’asturianu. Pa ello propón una dotación de 14.400 euros.
 Hai unos díes, el tripartitu del Ayuntamientu d’Uviéu, onde tamién ta IX, confirmó la puesta en marcha de la Oficina de Normalización Llingüística na capital uvieína pa 2017. El gobiernu del conceyu va ufiertar un puestu pa maestros o filólogos especialistes en llingua asturiana y va abrir la sede na plaza del Ayuntamientu.
 La persona responsable de la Oficina de Normalización d’Uviéu tendría de collaborar nel diseñu de programes y actividaes y campañes de promoción del asturianu, asina como tornar y correxis testos al asturianu y llevar la traducción de la páxina web y les redes sociales del Ayuntamientu al asturianu.                                               Fonte: asturnews.com

Alicia Álvarez presenta los temes n'asturianu de 'Pulgarina' en direuto

Na semeya Alicia Álvarez

  Celébrase la segunda sesión del festival 'Escenines pa la Reciella', qu'estrena'l Centru de Cultura Antiguu Institutu como sede.
  Tres l'ésitu de la presentación de 'Bestiariu 2' del llunes, con un salón d'actos del Colexu Públicu Xovellanos que quedó pequeñu, agora llega'l turnu d'otra producción de La Fabriquina editada por Araz –empresa editora tamién d'Asturies.com–, la de 'Pulgarina'. La so autora, Alicia Álvarez, va interpretar los siete cantares que conformen esti discu-llibru que cuenta la historia de "una neña tan pequena que nun consiguía ver les coses con perspectiva…", según apunta la cita qu'abre la obra.
  En 'Pulgarina' el llector va poder siguir les aventures de la protagonista al traviés de los cantares de la componente de Pauline en la Playa compuestes y interpretaes con guitarres y sintetizadores pola propia música, producíos por Daniel Fletcher y grabaos nos estudios Supersonic. El llibru, mentes, cuenta con ilustraciones d'Alicia Varela.
  La cita va ser a les 19 hores d'esta tarde nel Centru de Cultura Antiguu Institutu. Darréu, 'Escenines pa la Reciella' va continuar con trés activididaes teatrales: ‘Retalinos’, d’Olga Cuervo y David Varela, va representase’l llunes a les 12 hores (Antiguu Institutu); ‘Una casa’, d’Higiénico Papel, el día siguiente a les 19 hores (CP Xovellanos); y ‘Runa’, de Nun Tris, el miércoles a les 19 hores (CP Xovellanos).                                                   Fonte asturies.com

El primer concursu d'imitadores d'artistes asturianos va celebrase estes navidaes en Llangréu



La inscripción pal ‘Sácame pola pinta’, el primer concursu d’imitadores d’artistes asturianos, va zarrase esti vienres. Destináu pa neños y neñes menores de 18 años, va celebrase’l 4 de xineru nel Teatru Nuevu de La Felguera y tien como premiu la grabación d’un discu promocional nun estudiu profesional.
El Grupo A Mansalva entama esta prestosa iniciativa que ta teniendo muncha repercusión, como bien indica’l fechu de que la organización zarrara la inscripción pa cinco de les dieciséis opciones que se proponen al recibise más de diez pidimientos de participación pa caúna. Asina, yá nun ye posible apuntase pa imitar a Tino Casal (‘Eloise’), Los Berrones (‘Chacho’), Melendi (‘La mi mozuca’), La Pastorina (‘Yá suena la gaita’) o Silvia Quesada (‘De llonxe gano’).
El restu d’artistes a los que tovía ta abierta la preseleición son Alfredo González (‘La nada y tu’), Víctor Manuel (‘La romería), La Bandina (‘Na caleya’), Los Stukas (‘Atrapado’), Nuberu (‘Chalaneru’), Dixebra (‘Nacionaliega’), Rodrigo Cuevas (‘Ritmu de Verdiciu’), Danny Daniel (‘El vals de las mariposas’), los Hermanos Valle Roso (‘Mocina dame un besín’), Dark la eMe (‘Un asturiano en Madrid’) y Mariluz Cristóbal (‘Soi vaqueira’). Pa pasar a la final ye necesario unviar enantes del meudía del vienres un videu d’un llargor máximu d’un minutu imitando al artista nel cantar escoyíu pola organización al traviés del WhatsApp del númberu de teléfonu 667.252.611 xunto col nome, los apellíos y señes del concursante amás d'una foto del DNI por dambes cares, teléfonu y corréu electrónicu del tutor llegal.
Ente tolos aspirantes, qu’han de tener menos de 18 años a fecha del 5 de xineru, la organización va escoyer a los finalistes que van participar na gala final del 4 de xineru (18 hores, Teatru Nuevu de La Felguera) dientro les actividaes del Salón de la Infancia 2016 qu’entama’l Conceyu de Llangréu. El ganador o ganadora de ‘Sácame pola pinta’ va llevar como premiu la grabación d'un discu promocional de cuatro cantares nun estudiu de grabación profesional.
El xuráu del concursu va tar formáu por dalgunos de los artistes imitaos, siendo’l públicu, al traviés de la so votación na rede social Facebook, un miembru más del mesmu. Hai que recordar que namáu se contempla la participación de solistes o dúos y que, nel casu de la imitación de grupos, ésta va centrase namái nel cantante.
Fonte: Asturies.com

28/12/16

Andecha Astur reivindica la figura d'Andrés Solar


La formación nacionalista celebró un actu d'homenaxe nel cementeriu xixonés de Deva.
L'eventu, que principió a les 13 hores d'ayeri con una ufrienda floral xunto a la placa instalada por Andecha Astur n'alcordanza d'Andrés Solar nel 2004, xunció lo emotivo colo político, remembrando "el compromisu d'esti nacionaliegu pa con Asturies". Asina mesmo, "reflexonóse cómo'l tiempu va dando la razón a los plantegamientos qu'Andrés Solar defendió dende l'Ensame Nacionalista Astur; cómo la represión llingüística sigue siendo la norma, y la oficialidá tan llonxana como entós; y cómo se tenía razón cuando'l nacionalismu asturianu denunciaba que'l procesu de 'reindustrialización' nun yera otro que l'esfarrapamietu del texíu socio-económicu asturianu y l'anuncia del paru, la emigración forciada y la precariedá llaboral y social", apunten dende la organización.
Nel actu tamién se destacó "la continuidá del so pensamientu y cómo los plantegamientos nacionaliegos non sólo nun s'esaniciaron, sinón que siguen siendo l'únicu referente posible pa francer la situación que carecemos". Lali Solar, hermana del escritor fináu hai agora 32 años, compartió colos presentes dellos aspeutos destacaos de la personalidá d'Andrés, asina como la humildá que siempre lu carauterizó y la so permanente disposición a echar un gabitu a quien lo precisara, no que foi la parte más emotiva del homenaxe.
Na semeya, Lali Solar nel momentu de la so intervención.
Fonte: Asturies.com

27/12/16

Conciertu de Fin d'Añu de la Escuela de Música Tradicional La Quintana

  

La Escuela de Música Tradicional La Quintana celebró otra vuelta nel Antiguu Institutu'l so tradicional conciertu de fin d'añu, nel que participen profesores y alumnos.
La Quintana ye un centru d'enseñanza de música tradicional asturiana, creáu en Xixón en 1998, qu'ufierta clases d'asturianada, acordión diatónicu, gaita, vigulín, tambor, zanfona, guitarra, folclor, llinguaxe musical, baille, percusión y xiblata travesera.
El conciertu foi esti martes 20 d'avientu a les 19:30h. nel Salón d'actos del Centru de Cultura Antiguu Institutu.

Fonte: YeXixón.com

26/12/16

La segunda entrega de Bestiariu, con dolce animales nuevos, yá se viende


Tres l'esitu de la primer entrega, 'Bestiariu 2', discu producíu por La Fabriquina axunta a 12 nuevos grupos que canten a otros tantos animales. Nacho Vegas, Skama la Rede, ¿Aú? o Herbamora son dalgunos de los participantes.
Son 12 grupos y dolce nuevos animales que van tar presentes en cientos de cases esti Nadal. Bestiariu repite formula na so nueva entrega, pero non participantes, yá que  dende La Fabriquina contactóse con nuevos artistes del ricu y variáu panorama musical asturianu. Nacho Vegas y el Coru al altu la lleva, La Bande, Møna, ¿Aú?, Arma X, Skama la rede, La Bonturné, L@s Electric@s, Lavandera, Herbamora y Elle Belga conformen el llistáu de nuevos artistes y grupos asturianos que dan forma a esta nueva entrega de Bestiariu. Sólo repite Muga y el Corín de Reciella, el proyeutu musical qu'axunta a los impulsores d'esta iniciativa y al coru de l'asociación Reciella.
Y l’oxetivu de 'Bestiariu 2' ye, otra vuelta, averar la música a lo más pequeño de la casa, pero tamién a les sos families utilizando l'asturianu como llingua vehicular. Asina, con una temática prestosa pa los pequeños de la casa, los animales sirven de filu conductor nun discu que transita per dellos estilos musicales; los mesmos de cada banda y autor, a los que dende La Fabriquina propúnxose-yos participar en Bestiariu con dos úniques condiciones: cantar a un animal y faelo n'asturianu.
Quien escuche esti 'Bestiariu 2', un CD pensáu non sólo pa neños y neñes, sinón pa tola familia, va atopar un hipopótamu que nun quier compartir, una raposa vegana, un tamarín que nos gustaría ver per Xixón, una mona que suaña dientro d'una xaula, una xatina cola que podemos practicar el soníu de la x, un gatu que vive nun país hostil, un cámbaru folixeru, una xaronca mal encarada que quier esnalar, un perezosu arguyosu, unes caparines en peligru, un cuscupín que paez un felpudu o una lluciérnaga que va faenos llegar a bon puertu.
Cola mayoría de les sos temes grabáu en Sonidopolis, y cola producción musical, amás de los artistes, de Pedro Vigil, 'Bestiariu 2', editáu en formatu digipack por Araz.net –empresa editora tamién d'Asturies.com– , vuelve cuntar colos diseños de Marco Recuero que recrea na portada y el llibretu con una personalidá bien característica caún de los animales.
Tres l'ésitu de Bestiariu el pasáu 2015, La Fabriquina en 2016 vuelve apostar por esti proyectu que yá nacía con vocación de coleición y col que s'amplía la familia d'animales a 22: 10 de 'Bestiariu' y 12 de 'Bestiariu' 2.
Fonte: Asturies.com

24/12/16

La maxa de L'Anguleru puede con tou

Los neños alleguen a la cita col célebre pescador nel Acuariu p'apurri-y les sos cartes colos deseos pa estes fiestes

L'anguleru en Xixón
  L'Anguleru, natural de San Juan de L'Arena, llegó ayeri puntual a la so cita colos más pequenos dempués de derromper les marees dende'l mar de los Sargazos, onde vive y pesca mientres tol añu, hasta la so llegada al mar Cantábricu, concretamente a la puerta del Acuariu de Xixón onde decenes de neños y neñes esperaben la so salida dende'l balcón de l'azotea.
   En desembarcando de L'Angulina, la llancha del protagonista creáu pola asociación cultural "Garabuxada", empezaron los berros de los más pequenos qu'alzaben -yos sos cartes colos deseos escritos. "Pa L'Anguleru nun hai nada imposible", díxo-yos a toos vistíu col so paxellu oficial. "El mesmu qu'utilizaben los anguleros del Nalón", esplicó. Esto ye, col so inconfundible traxe mariellu, gorru de pescador azul marín, botes verdes y unos pelos castaños en cabeza y barba. Y sosteniendo un farol p'allumase en altamar y un truel de grandes dimensiones.
  "Son díes d'enforma trabayu pescando pa poder consiguir los regalos, pero tamos encantaos", señaló antes d'empezar a recibir a los neños que, magar dalgún diba decidíu, otros, y non pocos, poner abondo difícil pos dexaron al criteriu del pescador la so felicidá. "Lo qu'él quiera traeme, aceptar", señaló'l pequeñu Idir Álvarez, de 7 años. La mesma respuesta que-y otorgó Natalia, de cuatro año, en apurriéndo-y la carta sentada nes sos rodíes. Otros, como Javier Grande, de diez añu, tener bien claro: "unos paquetes de cromos WWE", esto ye, unos cromos de llucha. "Entá sabiendo como ye tou, sigue siendo daqué máxicu", reconoció L'Anguleru ensin que-y escucharen los neños.
  El pasáu 4 d'avientu los neños xixoneses yá pudieron solicita-y bona parte de los sos deseos pa esta Nuechebona al traviés d'una videoconferencia. Y yá entós alvirtiólos que son munchos los neños que tien qu'atender por toa Asturies y qu'igual nun podía cumplir si ciscaben munches coses. Sicasí, de xuru, que-yos va sosprender.                   Fonte lne.es

23/12/16

"En trés décades consiguimos crear un corpus lliterariu al altor de cualquier lliteratura moderna", destaca Alonso

Na Semeya los premiaos, xunto a les autoridaes y los miembros de los xuraos de los premios.

  El paraninfu de la Universidá d'Uviéu acoyó esti xueves la gala d'entrega de los Premios Lliterarios, la gran fiesta de les nueses lletres. Genaro Alonso, conseyeru d'Educación y Cultura, destacó que "en poco más de trés décades consiguimos crear un corpus lliterariu propiu y cultu al altor de cualquier lliteratura moderna".
  El rector de la institución universitaria, Santiago García Granda, encargóse d'abrir l'actu, que tuvo presidíu tamién, xunto con Alonso, por Cristina Valdés, direutora xeneral d'Universidaes y Investigación, y Fernando Padilla, direutor xeneral de Planificación Llingüística y Normalización. Na so intervención, el responsable d'Educación y Cultura recordó l'aniciu d'estos gallardones, col Primer Concursu de Narraciones Curties Diputación d’Asturies, nel 1980, y emponderó la evolución de les nueses lletres nesti tiempu.
  "Ye llargu'l camín andáu. Ye muncho lo escrito y munchos los finxos algamos", siguó Alonso, que calificó la gala de "actu d'agradecimientu y reconocimientu" a los escritores "testigos una vegada más de la vitalidá y escelencia" de la lliteratura asturiana. Pa finar, citó a los cinco ganadores de los gallardones d'esti añu, "verdaderu valedores d'esti gran árbol de les lletres asturianes, corresponsables a la fin de la so evolución y ésitu".
  Los premiaos del 2016 son Xulio Arbésú, con 'El valor del rei' (XXXVII Premiu Xosefa Xovellanos de novela); Ángeles Carbajal, con 'Un vasu d'agua' (XXII Premiu Xuan María Acebal de poesía); Vanessa Gutiérrez, con 'El paisaxe nuestru' (XXII Premiu Máximo Fuertes Acevedo d’ensayu); Adolfo Camilo Díaz, con 'La mar' (IX Premiu María Xosefa Canellada de lliteratura infantil y xuvenil): y Luis Navazo, con 'Indianu' (VIII Premiu Alfonso Iglesias de cómic con ‘Indianu’). Toos ellos recibieron un 'Árbol de les lletres', una pieza artística esclusiva de l'artista Charo Cimas.
  La nota musical del actu púnxola Tuenda, el tríu formau por por Xosé Antón Fernández 'Ambás', Elías García y Pepín de Muñalén, qu'interpretó delles pieces.    Fonte: asturies.com

Bon Nadal

La tradición del nataliegu

 Empieza la Navidá con tradiciones recuperaes y actividaes per toda Asturies.
 Ente’l 25 d’avientu y el 6 de xineru celébrase la Navidá, periodu que realmente comienza a celebrase muncho enantes na sociedá moderna. La nueche del 24 al 25 ye la Nuechebona, na que na tradición asturiana predominaba la carne y los dulces típicos d'esta época, como les casadielles o bollines.
 Tamién en Nadal entamábanse tradiciones típiques d'esti tiempu, la mayoría yá desaniciaes. Ente les que tán agora recuperándose destacase'l Nataliegu, un tueru que se quema en Nuechebona, o'l ramu, sobre manera en Lleón, una decoración típica d'estes feches.
 Nesta época tamién comiencen a celebrase les mazcaraes d'iviernu o aguilandeiros. Tres el de Los Aguilandeiros de San Xuan de Villapañada, que tuvo llugar la fin de selmana pasada, van continuar la d'El Guirria (1 de xineru), la d'Os reises del Valledor y la d'Os Reises de Tormaleo (dambes el 7 de xineru); y 'Domingu de Sidros y Comedies' (8 de xineru). Tamién ye posible visitar una esposición sobre la mazcarada de San Xuan de Villapañada con semeyes Mara Herrero feches l'añu pasáu, de nome '¡Vuelven los aguilandeiros!', na Casa Cultura de Grau.
 La xente mozo tamién va poder disfrutar d'actividaes en llingua asturiana nesti tiempu gracies al festival 'Escenines pa la Reciella' en Xixón. Comienza'l llunes 26 col conciertu-presentación de 'Bestiariu 2' (12 hores, CP Xovellanos), pa siguir el xueves 29 col de 'Pulgarina' (19 hores, Antiguu Institutu) y el llunes 2 cola obra 'Retalinos', d'Olga Cuervo y David Varela (12 hores, Antiguu Institutu). Completen el certame ‘Una casa’, d’Higiénico Papel, el martes 3 (19 hores, CP Xovellanos) y ‘Runa’, de Nun Tris, el miércoles 4 (19 hores, CP Xovellanos).
Especial Navidá 2016
 En "A la gueta los sueños" ufrimos l'especial Navidá 2016, con información sobre esta celebración y los aspeutos más importantes d'ella.                                 Fonte: asturies.com

22/12/16

Federico Gallego Ripoll, Premio de Poesía Villa del Libro

El poeta manchego define su poemario 'Quien dice sombra' como «un propósito de sencillez, de transparencia»

 Federico Gallego Ripoll, poeta. IV Premio de Creación Literaria Villa del Libro. El Norte

     Federico Gallego Ripoll con su poemario "Quien dice sombra" ha sido el ganador del IV Premio de Creación Literaria Villa del Libro. El jurado ha destacado la obra ganadora por ser «una precisa reflexión en torno al paso del tiempo, sus implicaciones poéticas y metafísicas. El poemario tiene una estructura muy coherente, cuya lectura se llena de sentido conforme avanza, adquiriendo una dimensión universal. El libro, además, se construye con una precisión impecable, desde las grandes lecturas clásicas y modernas, a través de un estilo propio y luminoso». El poemario del manchego se impuso entre los 329 recibidos.
 
Urueña, Valladolid. 1ª y única Villa del Libro de España
Federico Gallego, que reside en Mallorca, recibió la noticia en su tierra natal, de vacaciones navideñas ya. «No tengo una idea previa cuando escribo poesía, es algo que se va haciendo día a día en una construcción casi inconsciente. Los poemas son hechos aislados a los que, en un momento dado cuando llevo entre 15 y 20, los encuentro una unidad. En mi caso los títulos no son tan significativos como el orden y la estructura», explica este veterano autor que lleva publicando desde 1981.
Museo del Libro e-LEA "Miguel Delibes", Urueña (Valladolid), detalle
En el caso del poemario ganador, de ‘Quien dice sombra’, «no hay una idea concreta, el sentido viene de la experiencia cotidiana en un momento vital con bastantes años en el que la propia inercia del camino te lleva a ver que estás saliendo del bosque. Te vas despojando de cosas, de añadidos, de retóricas, tanto vitales como poéticas y buscas la claridad, la transparencia. Este libro es un propósito de sencillez, de transparencia, un viaje a lo esencial de lo que la vida te va ofreciendo o permitiendo. Porque la vida se construye también a base de pérdidas, de adelgazamientos, de debilidades. Hay que encontrar la fuerza de las cosas sencillas, de la esencia, para que te ayude en el tiempo que te queda», explica.
Librería Alcaraván, Urueña
‘Quien dice sombra’ está estructurado en tres partes. «Una primera de poemas silenciosos, los títulos son apenas una palabra, a veces en latín, entre paréntesis y en cursiva. Buscan la sutileza. Ahí estoy adentrándome en el bosque. Una segunda, en la que se expresa el fluir hacia lo líquido, lo aéreo, la expresión se va adelgazando, como una sombra que huye. Y la tercera hacia lo pequeño, el valor de lo cotidiano».
"El Cisco", periódico mensual local de Urueña
Federico Gallego fue miembro fundador del Aula de Poesía de Barcelona y es autor de una extensa obra poética, que se inició en 1981 con ‘Poemas del Condottiero’, y con la que ha conseguido premios como el accésit del Premio Adonais por ‘Crimen pasional en la plaza roja’ (1985), el premio Feria del Libro de Madrid por ‘La sal’ (2000) o el premio San Juan de la Cruz por ‘La torre incierta’ (2004).
Urueña: 200 habitantes con 11 librerías y 5 museos. Biblioteca de la Fundación Joaquín Díaz
«No es que me guste concursar, agradezco los premios, claro, pero así como el primer libro fue fácil publicar, después fue más complicado si quería mantener mi poesía. Encontré la posibilidad de publicar a través de los concursos sin tener que modificar mi obra. Yen esa vía voy teniendo fortuna».
Urueña, Día Internacional de Libro Infantil y Juvenil
El jurado de esta cuarta edición del premio estuvo presidido por Angélica Tanarro, redactora jefa de Culturas de El Norte, y como vocales por César Antonio Molina, Antonio Piedra, José Manuel Martín Portales y Willinton Triana Cardona. El presidente de la Diputación de Valladolid, Jesús Julio Carnero, ostenta la presidencia de honor.                                                           Fonte: elnortedecastilla.es

"Esta reedición de ‘Sol en los pomares’ ye un actu de xusticia”, afirma Iglesias

Na semeya, María Xosé Rodríguez López y Xosé Ramón Iglesias Cueva.

  El xixonés Antiguu Institutu acoyó esti martes la conferencia ‘‘Sol en los pomares’: una historia del so tiempu’, a cargu de Xosé Ramón Iglesias Cueva. L’académicu aseguró que la reedición en formatu facsímil de la obra de Matías Conde “ye un actu de xusticia”.
  L’Academia de la Llingua Asturiana ye la responsable d’esta edición, en collaboración col Conceyu de Xixón, que permite conocer íntegramente la obra escrita pol autor xixonés en México, considerada ún de les meyores del so tiempu xunto con ‘L’alborá de los malvises’ de Constantino Cabal. ‘Sol en los pomares’ editóse nel 1948 nel país norteamericanu y nun llegaría a Asturies hasta 1976 nuna edición “probetaya” en comparanza col orixinal, en pallabres de Iglesias Cueva. Ésta foi fecha pol Instituto de  Estudios Asturianos (IDEA) y contaba con un poema censuráu nel qu’una muyer impedía entrar na so casa a una pareya de la Guardia Civil.
  “Esta reedición ye un actu de xusticia”, afirmó’l profesor universitariu tres la introducción al actu fecha por María Xosé Rodríguez López, responsable de la Oficina de Normalización Llingüística de Xixón. Depués de dar detalles de la vida de Conde en Xixón, de la que poco se conoz, Iglesias Cueva comenzó a comentar aspeutos de ‘Sol en los pomares’.

  Asina confirmó que l’autor, militante d’Izquierda Republicana, pretendió escribir “un llibru d’Asturies y p’Asturies” tres permanecer diez años nel exiliu de Méxicu, onde llegó tres pasar per Francia, y posiblemente depués de que la esperanza de tornar fora perdiéndose. Nesi sen, l’académicu destaca que Conde escoyera l’asturianu, una llingua de la que nun se conoz producción previamente, anque pudiera ser que tuviere dalgo escrito. “Entendía l’asturianu como una seña d’identidá propia del país”, añade.
‘La sombra de los robles’
  Nel análisis de la obra, Iglesias Cueva recordó qu’ésta se divide en cinco partes, siendo la primera, ‘La sombra de los robles (Lo eterno)’, compuesta por 23 poemes, “la de mayor calidá; la más amplia y interesante”, yá que s’alloña del costumismu qu’imperaba na producción n’asturianu de la época y que sí apaez na segunda y tercer parte del llibru.
  Cola llectura de dalgunos de los poemes, l’académicu foi esplicando les carauterístiques de toes elles, pa finar centrándose na cuidada edición del llibru, que contó con “150 ilustraciones a distintos colores de llimpieza de trazu destacable” de Germán Horacio Robles, fíu d’Emilio Robles ‘Pachín de Melás’, que tamién marchó exiliáu a México, nel so casu nel 1939.
  Pa finar, abrióse un interesante alderique ente los presentes sobre la vida de Conde en México y les razones del escaezu del so trabayu n’Asturies, destacando les intervenciones de Xosé Lluis García Arias. Al respeuto, la obra completa llegó a l’Academia de la Llingua Asturiana por deséu de la viuda de Conde, que la editó en formatu facsímil esti añu con motivu del 120 aniversariu del so nacimientu.                                             Fonte: asturies.com