El periodista Quique Faes y la novela La vida increíble resultaron ganadores de la trixésimu tercer edición del Premiu de Novela Xosefa Xovellanos en llingua asturiana, que concede la Conseyería d'Educación, Cultura y Deporte. El xuráu que concedió esti gallardón, baxo la presidencia de la directora xeneral de Política Llingüística, Ana María Fueyo, contó cola participación de el escritores Xandru Fernández, Ignaciu Llope y Penélope Miranda.
Otres seis noveles optaben a esti premiu, dotáu con 4.000 euros. Ente les obres presentaes, el xuráu decidió por unanimidá conceder el premiu al testu tituláu La vida increíble, al valorar que se trata d'una novela perbién construida, con unos personaxes claramente definíos y qu'afre a la lliteratura asturiana horizontes temáticos nuevos. El testu ganador foi presentáu sol seudónimu Belarmino Malospelos.
Enrique Faes Díaz (Xixón, 1975) ye llicenciáu en periodismu y doctor en Ciencies Polítiques pola UNED. Exerció como redactor en medios asturianos como El Comercio, La Nueva España, Estrella Digital y Asturnews y tien publicaes delles obres, ente les que s'atopa Malena fecha de sol y de fresa (2000) y L'agobiante imperfección de coses (2004). Amás, acaba de ganar el Premiu de Rellatu Curtiu Fernández Lema na so edición de 2012.
Fonte: Les Noticies
Quique Faes, bon pepriodista-novelista pa un perbonísimu premiu. Norabona a ambos.
ResponderEliminarEl premiu Xosefa Xovellanos ye quiciabes el meyor y más grande de la lliteratura asturiana actual.
ResponderEliminar