Uviéu acueye esti martes el tercer movimientu (‘adagio’) d’El Bardu Errante, personaxe aicionista que vien interautuando pelos espacios públicos y privaos de la ciudá dende ochobre. Ésti va tener llugar a les 14 hores na plaza’l Carbayón.
L’aición de güei d'El Bardu Errante ye la tercera de la ‘Rapsodia de Seronda’, nomada ‘Árbol de la Memoria’, y consiste nuna contraópera al otru llau del Teatru Campoamor y embaxo del Carbayón, árbol tutelar de la ciudá. El primer tempo o movimientu colos que cuenta esta pieza musical, ‘a tempo’, acompasó l’aición nun árbol baltáu con una videoaición sonora nel interior del Paraíso Local Creativo, mentes que’l segundu, ‘andante’, foi una pelegrinación con una rama del árbol alredor de la muralla. Ésti tuvo que retrasase al 20 de payares al topase cola negativa del permisu municipal.
El Bardu Errante, papel qu’interpreta Ánxel Nava, va siguir interautuando polos espacios uviedinos hasta’l solsticiu d’iviernu. Dende’l mes d’ochobre entama esti procesu d’arte d’aición nomáu la ‘Rapsodia de Seronda’.
Fonte: Asturies.com
Paezme qu'esta noticia ye de la selmana pasada.
ResponderEliminarNon, ye la continuación y complementu d'ella.
ResponderEliminarTa fechu un bon bardu con llibros un ave prieta y tou, nun-y falta de nada, ta completu.
ResponderEliminarYe un bardu celta-asturianubien vivu porque nun para.
ResponderEliminarLo que ye un bardu activu, intelixente, amás d'un gran actor.
ResponderEliminarYá qu'hubiera munchos bardos asturianos cola capacidá de faer y la gran virtú de trabayar pol asturianu como Ánxel Nava, alantre.
ResponderEliminar