Son munches les obres que trataron sobre la gaita asturiana dende que, nel 1884, Fermín Canella destacara la necesidá d’estudiar esti instrumentu y que Xuacu Amieva, cien años depués, fixera col so ‘Método de gaita’ accesible al públicu un saber reserváu a los propios gaiteros. La mayor parte d’elles centrábense nel enseñu, ocupándose de forma principal n’aspeutos téunicos, como la descripción de les partes del instrumentu, la so afinación y el so mantenimientu, pero ‘Cancioneru de la gaita asturiana’ constitúi’l primer estudiu sistemáticu espublizáu n’Asturias sobre la so historia, los sos usos y el so repertoriu musical.
“L’oxetivu del presente ‘Cancioneru de la gaita asturiana’ ye, per una parte, reunir y ordenar los materiales referíos pa ponelos a disposición del públicu interesao, sía escolar o aventayáu na interpretación d’esti instrumentu. Tamién ye la so intención situar la gaita na historia d’Asturies y poner de relieve cuál foi’l so significáu na nuesa sociedá tradicional, el so protagonismu na parte relixosa y profana de la fiesta y, en xeneral, la so presencia nos momentos más importantes de la vida de los asturianos como coleutivu”, espliquen los sos autores. La obra ta dividía en dos tomos: el primeru entituláu ‘Historia y usos de la gaita asturiana’, con munches ilustraciones, y el segundu, ‘Partitures’, con 334 melodíes tradicionales ordenaes pola so función na fiesta, esto ye, pieces de marcha, cantares, dances y bailles, y repertoriu relixosu.
‘Cancioneru de la gaita asturiana’ presentóse esta mañana nel salón d’actos del Muséu del Pueblu d’Asturies cola presencia de los trés coautores del llibru, y Xosé Nel Riesgo, direutor de la Fundación Municipal de Cultura, Educación y Universidá Popular. L’actu contó tamién cola intervención del gaiteru Jorge Suárez Carbajal, campeón nes modalidaes de gaiteru solista y pareya de gaita y tambor del Troféu de Gaites Noega nel 2012, acompañáu pola tamboritera Estefanía Moro Montequín, direutora de la Banda de Gaites de Llangréu y direutora de percusión de la Banda de Gaites Conceyu de Siero.
Fonte: Asturies.com
N'Asturies abonden cada vez más les bandes de gaites y no hai población que s'aprecie que nun tenga o aspire a tener la suya propia. Hasta equí tou perfectu.
ResponderEliminar- A favor: tou, hai qu'ayudar y fomentalu, tou magníficu y plausible al estremu, una gociada.
- En contra: casi toles bandes, por non dicir toes, camudaron drásticamente el so soníu tradicional asturianu cola sustitución sistemática del cantariegu tambor tradicional asturianu de siempres, el de tola la vida, por esa enorme caxa escocesa tan forana y artificial que nun encaxar equí nin a chancia, non solo na estética sino con esi soníu apagáu, escuru y axatáu a medies ente lo metálicu y a madera ensin tallar que nunca antes se vio por estos llares, salvu nes bateríes de les orquestes y grupos de rock, de pop o de baile que nada tienen que ver, xeneralmente, cola musicalidá dulce tradicional asturiana yá sían de pequeñes formaciones de cinco o seis gaiteros (lo que siempres se vio nes fiestes aldeanes) que siguen usándolo de manera natural, o en grandes bandes de gaites.
Y ye que se copió descaradamente de les bandes escoceses y/o britániques creo que por cuenta de daqué de esnobismo y/o buscando el soníu atronador y simultáneu d'un montón d'estes caxes qu'axoricen col so soníu.
En concencia absolutamente nada que ver cola música tradicional asturiana, non señores. Los tiempos evolucionen pero nesti casu, creo bonalmente, qu'a peor.
Ye verdá collaciu, toles bandes de gaites asturianes, gallegues, bretones, escoceses, anglosaxones, etc. nun s'estremen en nada, quiciabes daqué, pocu, na ropa.
ResponderEliminarToes son iguales, el mesmu desfilar militar perseriu anglosaxón, los mesmos xestos y pompones nes maces de los que-y peguen al enorme bombu tamién escocés (que non asturianu), el mesmu soníu favorecíu polos raros, pergrandones y ruidosos pero sordos y opacos tambores. Paez que nel so enfotu d'asonsañar a les ¿bandes celtes? ¿o ingleses? perdieron la so personalidá y soníu asturiano perguapu y galoyeru.
¿Ye un esnobismu pasaxeru o ye una moda comercial? Nun sé dicir, pero sí sé que ye una pena.
La gaita asturiana ta bien perfecionada y llograda pero'l tambor tradicional asturianu sume nes bandes de gaites porque la caxa escocesa mete abondo más ruiu anque perfeu y bien raru y precisen d'un incómodu arnés metálicu pol so gran pesu y comercialmente dexa enforma beneficiu (perres) a vendedores y tamién a dellos intermediarios: polo que cuesta una caxa escocesa a lo menos mérquense tres tambores asturianos. Amás camudóse'l so guapu color azul tradicional astur pol negru anglosaxón? ...coses.
ResponderEliminarLes bandes agora tán de moda n'Asturies pero tienen bien pocu o nada de tradición asturianista y enforma de comerciales y de prósperu negociu. Lo bono ye que fomenten ente los mozos y moces l'estudiu de la gaita que yá ye bastante.
ResponderEliminarTou ye Asturies, el momentu actual y la manifestación viva de la so cultura y del so sentir.
ResponderEliminarLa música de gaita y tambor y la toná con un culín de sidrina ye lo meyor del mundu.
ResponderEliminarLa música de gaita y tambor n'una romería nun tien parangón.
ResponderEliminarNunca hubo tantos gaiteros niños, jóvenes y adultos, mujeres y hombres, ni tanta fabricaciónde gaitas como ahora mismo. Es un mérito atribuíble al ejemplo de gaiteros famosos asturianos y cómo a las bandas de gaitas que ellos han ido fundando en distintas poblaciones asturianas.
ResponderEliminarTambién estoy de acuerdo en que han despersonalizado bastante la música tradicional asturiana, lo uno por lo otro.
Y en lo del tambor totalmente de acuerdo, mal.
Si n'Asturies les bandes de gaites volviesen a retomar el tambor tradicional seríen bandes de gaites auténtiques asturianes y dexaríen de ser bandes gallegues,o pseudoescoceses o pseudobretones.
ResponderEliminarPaez que nun falsu pruyiciu de "celtificase", prefieren amarutase escaeciéndose d'eso, que son BANDES ASTURIANES.
El "Cancioneru de la gaita asturiana" ye una bona obra, felicidaes a los autores.
ResponderEliminarEl tambor de la imaxe ye'l auténticu asturianu y el d'usu normal de los grupos de gaiteros nes romeríes y fiestes de les aldees, praos, espiches, etc, el de toa la vida. El que debíen llevar les bandes y non l'artefactu esi que "porteen".
ResponderEliminarLa gaita resurxió nos caberos años gracies a les academies y les bandes.
ResponderEliminarBien ciertu, pero tamién ye una gran negociu pa el directores de les bandes que son los sos dueños. Al respective de les caxes escoceses nes bandes cunto que son un pegote forano y espantible.
ResponderEliminarSon les cosadielles del modernismu y de lo "in"
ResponderEliminarModernismu y negociu asgaya coles bandes.
ResponderEliminar