La presidenta de l'Academia de la Llingua Asturiana, Ana Cano, y el secretariu de la mesma, Xosé Antón González Riaño, alertaron esti llunes sobre'l peligru de marxinación y mayor precariedá que cuerre la enseñanza del asturianu nel sistema educativu d'entrar en vixencia la nuea llei d'educación del ministru José Ignacio Wert, tal como ta redactada. Recuerden que'l testu nun contempla esta asignatura en nengún de los bloques establecíos, nin nel de troncales, nin nel d'específiques, nin nel d'especialidaes.
Cano y Riaño, qu'ofrecieron una rueda prensa sobre esti asuntu, nun creen que la nueva llei vaya a acabar cola enseñanza del asturianu darréu. Sicasí, sí piensen que la postraría nun llugar de "total marxinación", en competición con otres asignatures como segunda llingua estranxera, una situación que yá se da nesti momentu en Secundaria "en contra de la Llei de Promoción y Usu", como matizó Riañu.
La presidenta de l'Academia analizó la llei. Establez, según esplicó, un bloque d'asignatures troncales y otru d'asignatures específiques. El primeru nun va poder tomar menos del 50% del horariu total, y el segundu nun va poder superar esi 50%, colo que, según Cano, "ente los dos bloques yá pue completase la ufierta". "En nengún d'ellos contémplase la enseñanza de llingua asturiana", añade.
Amás, inclúise un bloque d'asignatures "d'especialidá", nel que se van deber cursar les llingües cooficiales naquelles comunidaes autónomes que la tengan, pero sin aludir a la situación del asturianu, con reconocencia xurídica y sin calter oficial. Nesti mesmu bloque, la llei establez que los alumnos puean cursar "a lo más otru área más, en función de la regulación y de la programación de la ufierta educativa qu'estableza cada Alministración".
Ye nesti ámbitu, según la previsión de l'Academia, nel que quedaría postrada la enseñanza del asturianu, supeditada "a la voluntá de l'Alministración, y sin nengún rangu de llei", señaló Riaño.
Por esti motivu, l'Academia plantega un añadíu a la redacción de la Llei no que se refier al bloque d'asignatures d'especialidá: "nel casu de les Comunidaes Autónomes con llingua propia non oficial, pero con reconocencia xurídica y implantación curricular, los alumnos tendrán que cursar Llingua y Lliteratura de la Comunidá o Cultura de la Comunidá, a elección de los padres o tutores". Trátase d'una posibilidá que contemplaron hasta'l momentu les distintes lexislaciones educatives, según señaló la presidenta de l'Academia.
LLAMÁU A LA CONSEYERA Y AL PP
L'Academia quiso facer un llamáu al Gobiernu autonómicu y a tolos grupos representaos na Xunta Xeneral pa que defendan esti cambiu, o ún asemeyáu, en defensa "de los derechos llingüísticos de los asturianos". Cano señaló que la conseyera d'Educación, Ana González, comprometióse a apoyar esti planteamientu en próximes xuntes nel Ministeriu d'Educación.
Sicasí, quiso especialmente llamar l'atención del Partíu Popular d'Asturies, por "ser esta formación autora de la llei y por ser la que Gobierna en Madrid". Asina, afirma que los populares asturianos "son sensibles a esti asuntu", y solicitó una xunta cola so presidenta autonómica, Mercedes Fernández, pa esta mesma selmana.
Fonte: Europa Press
Y amás d'alvertinos a toos que ye bien bono ¿cómo y cuándo va actuar la madre Academia?
ResponderEliminarpos nun sé, quiciabes cuando la lengua tea nel el llimbu de los xustos, bien xustos ¿esclariáu Hervás?... pero dar por escrito y n'asturiano que menos ye ná.
ResponderEliminary ¿quién gobiernen n'Asturies? polos nicios paez presuntamente que dellos llebreles y munchos llacayos: de la llingua nin oir falar nin siquiamente nombrala.
ResponderEliminar¿ónde tán los derechos llingüisticos de los asturianos? matarile, rile, rile..., pue que no fondero del mar.
ResponderEliminarVal bien, l'Academia diznos que la llei Wert va perxidicanos, ¿y qué más?, ¿va proponenos que faigamos daqué nel so defensa y p'intentar algamar la oficialidá?, ¿agora, dempués, el sieglu que vien? gracies. Gracies comoquier poles molesties.
ResponderEliminarDende les altures esotériques de la so cátedra, namás.
ResponderEliminarHome, la llei Wert no sé si afecta l'ensenyament de l'asturià des del moment que la llengua, com que no és oficial, no sé si entra dins de les assignatures d'especialitat o no.
ResponderEliminarEl que sí sé és que amb llei Wert o sense llei Wert l'ensenyament de l'asturià i la supervivència de la llengua està en perill, precisament perquè no és oficial.
Nun hai un plan B.
ResponderEliminarY... ¿qué pinta, o para qué val, l'ALLA nestos casos?
ResponderEliminarSeve, pa que publiquen y esfruten abondo los de la élite cultural coles subvenciones del Principáu.
ResponderEliminarNon home, nun eniendes que L'ALLA ta n'otres esferes y a otru nivel, ta para lo que ta.
ResponderEliminarPero Alcuino... a ver, ¿no podría faer daqué más pola divulgación,el fomentu y la protección de la llingua asturiana ente la xente falante "normal" y/o na cai que ye pa la que va la cosa cosadiella del asuntu y nun solo pal so divertimentu/estudiu académicu?, digo...
ResponderEliminarNun hai remediu...
ResponderEliminarL'ALL tien que pensar na mayoría de los asturianos y asturfalantes y non encerrarse namás na so cúpula de cristal.
ResponderEliminarTrátase de estudiar en profundidá una llingua que nunca va falase oficialmente?
ResponderEliminarSí nel futuru namás va falase nel llar de l'ALLA con dellos falantes grandilocuentes, pero na cai nun esistirá.
ResponderEliminarAgora mesmo l'ALLA nun se precisa equí porque ta d'adornu caru y ensin representación de los asturfalantes nel so gran esfuerzu pola precaria salú de la llingua nel nueso país. Y sí precísase un movimientu de defensa llingüística asturiano qu'emburrie na cai con manifes (ye lo que ven los políticos) y trabaye pol común de la xente asturiano.
ResponderEliminar