28/6/17

Porqué foi refugada la enmienda pa dotar de fondos l`asturianu

Les enmiendes que solicitaben presupuestu pal asturianu presentáronse’n bloque con otres a favor de mayores dotaciones pa la policía y la guardia civil, pente otres temes
Plenu del Senáu 
Llucía F. Marqués
  La prensa nacional faise ecu del refugu a les enmiendes pa dotar a l`Academia de la Llingua de los fondos necesarios, destacando los votos en contra del PP, Foru, C’s, C.Canaria, UPN y PNV asina comu la llamativa astención  d`EH Bildu, Nueva Canaria y l`Agrupación Socialista de la Gomera, noticia que nun primer intre indigna y sospriende a partes iguales.


  Un analís más fonderu de la tema  danos otru puntu de vista. Les enmiendes nun se presenten nel Senáu individualmente, sinón en bloques, nos que se xunen delles temes que se voten de mena conxunta, resultando que ye imposible sofitar ún d`ellos ensin dar el votu tamién al restu.
  En concretu, la enmienda que solicita la dotación con 100.000 € pa la ALLA, inclúyese  nun bloque d`alrodiu de 50 enmiendes de temática bien diversa y ayenes dafechu a la cuestión llingüística –na imaxe, la enmienda del asturianu ye la 1153, nel tercer bloque-
  Asina atopamos, por casu, na ennmienda presentada por Compromis, la creación d`una nueva comisaría en Torrevieja o la costrución d`un nuéu cuartel de la guardia civil n’Alacant presentaes de manera indixebrable de la solicitú de financiamientu pal asturianu. “Cuando nun bloque tase acordies con una parte y en desalcuerdu con otres lo avezao ye astenese” desplica Jon Iñarritu, senaor d’EH Bildu, quien esclaria que la so formación nun embaraxó en dengún momentu votar en contra del financiamientu del asturianu, pero que tampoco se plantegaron dar el so votu a les otres cuestiones presentaes nel mesmu bloque.                                                                                                                               Fonte: infoasturies.com

5 comentarios:

  1. Tremendu error de ñovatos na presentación de la enmienda, paez mentira o hai permala voluntá.

    ResponderEliminar
  2. Total, que el sistema de votació és encara el del segle XIX. Així anem.

    ResponderEliminar
  3. En bloque, axunten les churres coles merines, ye un sistema bien guapu y perfeutu pa non consiguir nada nengunu.

    ResponderEliminar
  4. Asina tamos entá nes profundes cavernes democrátiques, David.

    ResponderEliminar
  5. Ye un sistema bien favoratible pal senáu.

    ResponderEliminar

Los comentarios tán pendientes de moderación. Espublizaránse lo primero dable.