16/6/17

Podemos quier entamar la casa pel teyáu y aportar al Parllamentu Européu ensin aprebar la oficialidá n’Asturies

El 70% de la población asturiana podría utilizar con normalidá l’asturianu nel so conceyu si esistiere una voluntá real de los que dicen ser favoratibles a la reconocencia democrática  de la nuesa llingua, ello ye la Oficialidá -Podemos, IU-
Eurocámara, Parllamentu Européu


 La parlamentaria de Podemos n’Europa, Estefanía Torres, llamenta que la Eurocámara y  ñegue’l drechu a espresase na so llingua materna, nel 25 aniversariu de la Carta Europea de les Llingües Minoritaries no que califica de «ataque frontal al padrimoniu cultural del pueblu asturianu»
 Nos ayuntamientos podemites los drechos llingüísticos reconocíos llegalmente a los  vecinos son los mesmos que los de los Ayuntamientos del PP o`l PSOE: dengún. Sicasí, la suma de los conceyos onde Podemos ya IU son el gobiernu, formen parte d`elli o lu condicionen conformen más del 70% de la población asturiana: Uviéu, Teberga, Illas, Llangréu, Castrillón, Grau, Mieres, Riosa y Xixón. En dengún d’esos conceyos esisten unes Ordenances Municipales d’Oficialidá, como les que sí hai en Bimenes y Noreña, que defendan los drechos del pueblu asturianu qu’esta parllamentaria reclama n’Europa (ignorando, quiciás, que pa usar una de les llingües non oficiales nel parlamentu européu esisten unos trámites previos, acompangaos de la correspondiente torna, que permitan asegurar la correcha comprensión de la intervención por parte de los presentes)
 Dende Andecha  Astur califiquen esta aición de “Posturéu y más posturéu, política de xestos ensin fechos y quedar bien ensin gastar, aparte de considerar qu`estes payasaes si nun tienen un encontu políticu rial son contraproducentes pa la normalización real de la llingua asturiana”                                                                                 Fonte: infoasturies.com

9 comentarios:

  1. Pa Andecha Astur: la actitú podemita nun ye "posturéu", eso nómase bona voluntá.

    ResponderEliminar
  2. Así que valen pa músicos...

    ResponderEliminar
  3. Podemos, como siempres, a la "pesca milalgrosa" pero ensin trabayar res les coses y les temes, a ver si pescancian coses bones de casualidá, solo cola so guapa presencia.

    ResponderEliminar
  4. ... aprovoechaos pola cara.

    ResponderEliminar
  5. Poco trabyu y muncha algarada

    ResponderEliminar
  6. ¿qué quies, Sinfo? Podemos ye eso, munchu ruiu y muncha protesta pero bien nada trabayu seriu de provechu y de fundamentu pa la xente.

    ResponderEliminar

Los comentarios tán pendientes de moderación. Espublizaránse lo primero dable.