El Parllamentu Européu torgó a Torres l'usu del asturianu na Cámara

Pol 25 aniversariu de la Carta Europea de les Llingües Minoritaries el presidente Tajani permitió falar catalán nel Plenu del Parlamentu Européu.

 

Pleno del Parlamento Europeo

  Antonio Tajani, presidente del Parllamentu Européu, impidió l’emplegu de llingües non oficiales na Cámara cuando dellos eurodiputaos quixeron utilizales pol ventenu quintu aniversariu de la Carta Europea de les Llingües Minoritaries o Rexonales. Estefanía Torres, de Podemos, tenía intención de falar n’asturianu.

 L’Integrupu de Minories Tradicionales, Comunidaes Nacionales y Llingües solicitara na sesión del llunes un puntu nel orde del día pa que tolos eurodiputaos que tuvieren una llingua minoritaria como idioma maternu pudieren espresase na Cámara nella, conmemorando asina’l ventenu quintu aniversariu de la Carta Europea de les Llingües Minoritaries o Rexonales. Pese a que nun primer momentu diose’l preste, Tajani rectificaría y permitiría namái dalgunes intervenciones y fuera del horariu del Plenu, esto ye, avanzada la nueche y ensin casi persones presentes.

 Torres yera una de les polítiques que solicitara falar na so llingua, dalgo que nun pudo realizar finalmente al nun concede-y turnu de pallabra, anque sí se sintieron otros idiomes como’l catalán, el vascu, el gallegu o’l frisiu, lo que pa la de Podemos "ye una doble discriminación". Según esplicó en Twitter la de Cuideiru, el so deséu yera facer referencia al pregón de L’Amuravela y usar el pixuetu: “Falo una llingua que sé que ta en peligru de desaniciu, por eso ye’l mio deber y tamién el de les instituciones públiques promovela, protexela y cuidala”, apuntó Torres.                                                          Fonte: asturies.com