22/6/17

Acusen a Bob Dylan de plaxu nel so discursu pal Nobel de Lliteratura

Na imaxe d'arquivu, Bob Dylan

  El cantautor Bob Dylan foi acusáu esta fin de selmana de plaxar partes del so discursu d’aceptación del premiu Nobel de Lliteratura del pasáu 4 de xunu, nel que supuestamente utilizó dellos fragmentos de frases de la páxina web Sparknotes.
 Les acusaciones fueron arramaes pola revista estadounidense Slate dempués de qu’una de les sos reporteres analizara les palabres utilizaes pol cantante pa describir na so alocución la novela “Moby-Dick”, una obra de referencia pa Dylan.
 La periodista Andrea Pitzer narra nel artículu de Slate que detectó que delles de les frases de Dylan nun formen parte de la novela, pero sí s’asemeyen enforma a la sinopsis sobro la obra qu’apaez na páxina web Sparknotes, qu’ufierta a los estudiantes esplicaciones y resumes de numberosos llibros.
 “Nes 78 frases del so discursu que Dylan dedica a la descripción de Moby-Dick, una inspección rápida revela que más d’una docena d’elles paécense enforma a les llínees de la web de SparkNotes”, afirmó la reportera. “Y munches comparten frases clave como ‘el deséu de vengación de Ahab’ que nun apaez na novela de Moby-Dick”, amestó Pitzer nos sos comentarios.
 Slate espón nel so artículu toes estes frases, y destaca que Dylan apurrió’l so discursu a la organización de los premios Nobel poco primero de cumplise la fecha llende impuesta, tres la que se-y apurriría los 923.000 dólares de pagu. Amás, la publicación recuerda que l’artista ye conocíu por utilizar material d’otres persones nos sos cantares.                                                                                              Fonte: asturmews.com

10 comentarios:

  1. Diz un antiguu refrán asturianu que tantes vegaes va el cacíu a la fonte de fornica que a mal acabar nun llegó a panizu maduru, a la fin ¿rompióse'l cántaru del bien discutíu Nobel de Lliteratura?

    ResponderEliminar
  2. A lo meyor namás ye un conxuntu de malos quereres o envidies malsanes.

    ResponderEliminar
  3. Non, solo ye un personaxe bien desagradecíu y antisocial. Amás taba bien claru de non ser dignu de merecero non tar al altor pa merecer un Premiu Nobel de Lliteratura. Ye un tarrecible erro de l'Academia sueca.

    ResponderEliminar
  4. Dylan como Nobel ye un tremendu erru, nin lo val nin lo merez.

    ResponderEliminar
  5. Nel mundu mundial hai munchos poetes y munches poetises y novelistes perbonísimos, meyores milenta vegaes que Dylan, pal Premiu Nobel. Otra cagada más, perdón, de la'Academia Sueca que busca notoriedá mediática a bon baratu.

    ResponderEliminar
  6. ...a bon baratu sí,y el tiru pola culata.

    ResponderEliminar
  7. N'Asturies los Dylan's al usu tienen un nome bien común: zoquetes.

    ResponderEliminar
  8. Y los homes persabios de l'Academia sueca que opten por artistes como Dylan pal Premiu Nobel de les Lletres tamién tienen nome común: perzoquetes.

    ResponderEliminar

Los comentarios tán pendientes de moderación. Espublizaránse lo primero dable.