3/6/17

Un 42,82 por cientu de los escolinos de Xixón estudien Llingua Asturiana en Primaria



4.851 escolinos y escolines d'educación primara tienen l'asignatura de Llingua Asturiana nos colexos de Xixón.
Nel cursu vixente un 42,82 por cientu de los escolinos y escolines de Xixón tán estudiando Llingua Asturiana en Primaria, por un 57,18 por cientu qu’escueye la materia alternativa, esto ye, Cultura Asturiana. La matriculación nesta etapa educativa na escuela pública ye del 50,94 por cientu, mentes que na concertada baxa al 19,09 por cientu.
Ye nos centros de financiación mesta onde s’atopa’l númberu más baxu d’alumnos y alumnes dando clase d’asturianu en Primaria, na mayor parte de los casos pol fechu de que les direiciones de les escueles afalen a los padres a escoyer Cultura Asturiana. Esta materia dase en castellanu y, en dalgunos sitios, aprovéchase pa introducir actividaes de les escueles que nun tienen güecu n’otres asignatures.
El descensu na matriculación en Secundaria, onde l’asturianu ye optativa y compite con otres llingües como’l francés o l’alemán, ye xabaz, pasando a ser del 7,69 por cientu del total del alumnáu. Na siguiente etapa cai al 2,57 por cientu, nel Bachilleratu diurnu, y al 6,92 por cientu, nel nuecherniegu.

Fonte: YeXixón.com

2 comentarios:

  1. El númberu d'escolinos que escoyen y cursen asturianu ye meyor que fae unos años; pero entá ye bien insuficiente. Y sí que ye sabaz el descensu en Secundaria y más enriba. Equí hai un problema que resolver darréu. Y tamién la oficialidá, que ya la ma de tolos males llingüísticos.

    ResponderEliminar
  2. Ensin oficialidá ya ye un bon porcentaxe, pero con oficialidá...

    ResponderEliminar

Los comentarios tán pendientes de moderación. Espublizaránse lo primero dable.