15/6/17

L`antigua Escuela de Comerciu va reabrir enantes de Navidá

La rehabilitación del hestóricu edificiu de Xixón supuso una inversión de 6 millones
Antigua Escuela de Comerciu de Xixón


  La finalización de les obres ta prevista en trés selmanes. Les instalaciones, con unos 3.285 metros cuadraos de superficie disponible, van agospiar la Oficina de la Mocedá, archivos hestóricos, sales d`estudiu, esposiciones, y un salón d`actos con 130 butaques, amás d`un espaciu reserváu para les cuatro entidaes culturales hestóriques de la ciudá: Xestu, l`Atenéu Xovellanos, la Sociedá Cultural Xixonesa y l`Atenéu Obreru.
  La planta suétanu va tar destinada a guardar los fondos d`hemeroteca de la Cámara de Comerciu, la biblioteca del Padre Patac, xunto con otros archivos.
  La planta baxa va ser ocupada pola Oficina de la Mocedá, amás del salón d`actos y d`una sala de consulta de la documentación hestórica.
  La primer planta va allugar trés sales d`estudiu, xunto con una sala d`esposiciones de 123 metros cuadraos.
  La segunda va ser estremada en cuatros espacios iguales pa usufructu de los cuatro ateneos culturales emblemáticos de la ciudá.                                            Fonte: infoasturies

3 comentarios:

  1. Nun edificiu tan emblemáticu na Milla del Saber de Xixón, como ye la antigua "Escuela de Comerciu" y llueu "Empresariales", convertilu nel arca de noé o nun llugar multiusu de milenta organizaciones va transformase en la lleonera prodixosa muy del gustu, o paecío, de los ocupas madrilanos y d'otres llares: el desastre. Y too pagao pol erariu xixonés: lluz, agua, mantenimientu, bedeles, etc. Y agora entrugo ¿ónde quedaron los grandes proyectos universitarios y escolares pal centru xixonés?

    ResponderEliminar
  2. Onde manden toos pa dar gustu a tol mundu nun manda nengún, asina pasa cola alcaldesa y el podemos xixonés.

    ResponderEliminar

Los comentarios tán pendientes de moderación. Espublizaránse lo primero dable.