9/6/17

Raquel F. Menéndez presenta’l so poemariu ‘El llibru póstumu de Sherezade’

Na semeya, la escritora de Salas, Raquel F. Menéndez

  La escritora Raquel F. Menéndez espubliza’l so primer poemariu n’asturianu, llingua na que dedica anguaño tola so creación. Trátase de ‘El llibru póstumu de Sherezade’, obra ganadora del XI Certame de Poesía Nené Losada Rico, que la de Salas presenta na uveína Sala Borrón y próximamente na 'Feria del Libro de Xixón'.
  “¿Cómo reformular la esperiencia de la tierra y del cuerpu frente a la falta? ¿Cómo facer un rellatu familiar cuando paez que ta condenáu a ser póstumu?” son les dos entruges que se realicen los poemes de ‘El llibru póstumu de Sherezade “mentá traten de reconstruyir la identidá al traviés de la escritura”, apunten dende la editorial Impronta. L’autora emplega nellos la variante occidental del idioma, dando una sonoridá destacada a los mesmos.
  La presentación de la obra va celebrase mañana, a les 19 hores, nun espaciu creativu dedicáu a la xente mozo como ye la Sala Borrón. Nella, F. Menéndez va facer una llectura poética y la gaitera Andrea Joglar va poner la nota musical.
  El d’Uviéu nun ye l’únicu actu previstu pa dar a conocer esti trabayu que se llevó’l concursu de poesía valdesanu l’añu pasáu, yá que’l xueves viniente va presentalu nel marcu de la ‘Feria del Libro de Xixón’. Va ser a les 20.15 hores y l’autora va aldericar con Vanessa Gutiérrez sobre la so obra, feminismu y lliteratura.                                     Fonte: asturies.com

3 comentarios:

  1. Hai savia xoven n'Asturies.

    ResponderEliminar
  2. Pa Raquel la del llibru póstumo de Sherezade, el feminismu y el machismu non aportan nada positivu, ye un mal asuntu pala sociedá porque tolos estremismos son malos, el feminismu tamién.

    ResponderEliminar
  3. Con tanto feminismu vais dir bien lloñe, mocines.

    ResponderEliminar

Los comentarios tán pendientes de moderación. Espublizaránse lo primero dable.