El BOPA d’esti vienres espublizó les convocatories de les ayudes pa la normalización del asturianu y gallego-asturiano pa medios de comunicación, producción editorial y discográfica. La cantidá destinada pola Conseyería d’Educación y Cultura nesta ocasión ye la mesma que l’añu pasáu: 200.000 euros.
Les subvenciones a medios de comunicación pa la normalización social de los dos idiomes ye de 90.000 euros, esto ye, lo mesmo que nel 2016, cuando aumentaren en 10.000 euros con respeuto al añu anterior. Tamién 90.000 euros son les perres que dispón Educación y Cultura pa les editoriales pa la producción n’asturianu y gallego-asturiano.
Mentes, les ayudes a la producción discográfica caltiénse en 20.000 euros. El plazu pa presentar los proyeutos nes trés llinies de subvención fina’l 28 de xunetu.Fonte: asturies.com
| Adxuntu | Tamañu |
|---|---|
 Convocatoria subvenciones medios de comunicación | 665.96 KB |
| Convocatoria subvenciones llibros | 498.72 KB |
| Convocatoria subvenciones música | 608.42 KB |
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.