2/6/17

La Feria del Llibru de Xixón entama’l 15 de xunu


Cola fin de promocionar el llibru y la llectura, sofitando l’actividá de les editoriales asturianes y el comerciu de les llibreríes xixoneses, el Conceyu de Xixón pon en marcha esti mes la celebración d’una feria del llibru que va desenvolveses dende’l próximu 15 de xunu.
Na so organización, encamentada a la Fundación Municipal de Cultura, Educación y Universidá Popular, collaboren l’Asociación Cultural de Llibreros de Xixón, el Club d’Editores al Marxe, l’Asociación d’Escritores Noveles, l’Asociación d’Escritores d’Asturies y l’Unión de Comerciantes de Principáu d’Asturies.
Esta primer edición de la Feria del Llibru de Xixón va tener llugar ente los díes 15 y 18 de xunu nel Paséu de Begoña. Va Haber nél 40 puestos de vienta nos que van participar 23 llibreríes xixoneses y 20 editoriales, casi toes elles asturianes. La Rede Municipal de Biblioteques va tener tamién el so propiu estand pa dar a conocer los servicios municipales rellacionaos cola llectura.
Mientres la feria desenvolveráse un programa d’actividaes que van tener llugar n’el mesmu Paséu de Begoña (nuna carpa instalada pa esti eventu y nel kiosco de la música), nel café Dindurra y nel Centru de Cultura Antiguu Institutu.
La primera de les actividaes va entamar con un Cuentacuentos (Cuentos bisbisaos) el mesmu día 15 xunu, 2017 ente les 5 y les 6 de la tarde nel mesmu Paséu de Begoña  onde tamién ufiertará  Tres la Puerta títeres cuentos y relatos curtios pa tolos públicos.
La programación del vienres 16 ye la que vien darréu:

13.00 h: Mesa d’autores: «Escritu sobre Xixón». Participen Luis Miguel Piñera, Miguel Barreru, Manuel Cimadevilla, Alfonso Peláez, Pablo Rivero, Agustín Acebes Fuertes y Eduardo Arias. Presenta y modera Montse Martínez. [Carpa d’alcuentros lliterarios]
17.00 a 20.00 h: Cursu «Escritores ensin sombreru: la xeneración del 27» (inscripción del 5 al 14 de xunu). [Centru de Cultura Antiguu Institutu. Aula 3]
17.00 h: Cuentacuentos: Castiellos, dragones, princeses y dalguna bruxa. Cuentos de siempre y d’agora cuntaos de forma distinta por David Acera. [Kiosco de la música]
17.15 h: Presentación del llibru La nueche que nun paró de llover (Destín), de Laura Castañón. Presenta Carmen Gómez Güeya. [Carpa d’alcuentros lliterarios]
17.15 h: Presentación del llibro Ruiu rosa (Baxamar), de David Fueyo. Presenta Pelayo Fueyo. [Café Dindurra]
18.00 h: Presentación del llibru L’asilu (Monte Riego), de Jesús Enrique Ramos Varela. Presenta Rafael Gutiérrez Testón. [Carpa d’alcuentros lliterarios]
18.00 h: Presentación del llibru La ciudá (Ediciones B), de Luis Zuecu. Presenta Covi Sánchez. [Café Dindurra]
18.00 h: Firma del llibru Templu, cabana (Calquier), de Ramón Lluis Bande. [Estand de la Rede Municipal de Biblioteques]
18.00 a 21.00 h: Taller de poesía pa primerices (inscripción del 5 al 14 de xunu). [Centru de Cultura Antiguu Institutu. Aula 2]
18.45 h: Presentación del llibru El llibru nuevu (Saltadoriu), de Xuan Bellu. [Carpa d’alcuentros lliterarios]
18.45 h: Presentación del llibro Inxeniu Legu (Diputación de Salamanca), de Marcelo Matos. Presenta David Fueyo. [Café Dindurra]
19.30 h: Presentación del llibro Ma, quiero ser feminista (Lumen), de Carmen García de la Cueva. Presenta Alba González Sanz. [Carpa d’alcuentros lliterarios]
19.30 h: Presentación del llibro Yo taba ellí y Deva, flor de Primavera. Haikus (Trabe), d’Esther García López. Presenta Antonio Merayo. [Café Dindurra]
20.00 h: Llectures poétiques en movimientu. Itinerariu en bicicleta (imprescindible pa participar) pela ciudá con llectura de poemes. Collabora l’asociación 30 Díes en bici. [Paséu de Begoña (itinerante)]
20.15 h: Presentación del llibru Sobro la marcha (Baille del Sol), de Juanjo Barral. Presenta Natalia Caparrós. [Carpa d’alcuentros lliterarios]
20.15 h: Presentación del llibro Cuentos de ser y de tar (Trabe), de Laura Marcos. Presenta José Luis Rendueles. [Café Dindurra]
20.30 h: La guitarra na Xeneración del 27. Conciertu de guitarra de Samuel Diz, con llectures de la periodista Carolina Alba (Radio 3). [Centru de Cultura Antiguu Institutu. Salón d’actos]
20.30 h: Firma de llibros de #Dulce Victoria Pérez Rumorosa, autora d’El secretu de los Mc. Jeffersson, Ratonchi y Ratonchi salva la Navidá (Círculu Coloráu). [Estand de la Rede Municipal de Biblioteques]
21.00 h: Presentación del llibro Palabres qu’afataben los silencios (Nieva), d’Agustín Alonso Biscayar. [Carpa d’alcuentros lliterarios]
21.00 h: Presentación del llibru Unos españoles na corte del rei Fado (DG Ediçoes), d’Ángel García Prieto. Presenta Ramón García Ovide, presidente de l’Asociación Amigos del Fado d’Asturies. Acompañamientu de fados. [Café Dindurra]        Fonte: asturnews.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.