Pa l'asociación el PSOE non solo torga l'usu del asturianu, sinón que tamién prohibe aldericar sobre ello.
Desplica N'Ast que "Como rempuesta al autoritarismu caciquil que prauticaron recientemente nel ayuntamientu de Noreña'l PSOE y el so alcalde, Cesar Movilla, haza l'usu de la llingua del País, dende Conceyu Abiertu presentóse una moción billingüe solicitando que'l plenu municipal pudiera tratar mociones escrites en llingua asturiana.Por embargu de manera sosprendente la incorporación a alderique nel plenu d’esta propuesta foi torgada en base a que nun tenía calter d'urxencia".
Continúen afitando que "Na moción de Conceyu Abiertu solicitábase que'l Ayuntamientu de Noreña realizara xestiones pa llograr convenios con instituciones como l'Academia de la Llingua Asturiana (ALLA) y la Oficina de Política Llingüística p'asesoramientu y traducciones o l'Institutu Adolfo Posada pa la formación voluntaria de trabayaores, funcionarios y conceyales".
Poro, dende N'ast quieren "denunciar qu'una vegada más el PSOE de Noreña vuelve amosanos el so braeru calter como organización fondamente antiasturiana y antidemocrática, torgando non solamente l'exerciciu d'un drechu humanu y civil, sinón tamién l'alderique públicu sobre la posibilidá del so usu institucional".
Fonte: Infoasturies
El PSOE de Noreña ye'l de Areces n'Oviéu, etc, etc, ye too contradicciones, engañifes, falacies, derroches, trampes, viaxes "de trabayu", comides y cenes asgaya pagaes pol erariu públicu, ventaxes pa los sos clientes..., ¿qué esperabais? paez mentida que no yos conocais perbien aún.
ResponderEliminarLes esperances de munchos tán depositaes n'el Foro de Cascos. Vamos ver... dixo un ciegu.
ResponderEliminar¿Y estrañáis de daqué? nun hai nada nuevu enrriba la mesa.
ResponderEliminarDende siempres sociatas = chorizos, mirái lo que pasó cola TPA y les conseyeríes del Principáu.
ResponderEliminar