Teresa Alonso afirma qu’asturianu y castellán “conviven en perfeuta harmonía”.
Teresa Alonso, secretaria xeneral de Foru Asturies, diputada y responsable de Política Llingüística d'esti partíu firma l’últimu comunicáu de la formación política asturiana sobre l’idioma d'Asturies. Nél, la formación lliderada por Cascos recuerda’l so sofitu “al desenrrollu de la Llei d'Usu y Promoción del Bable/Asturianu” y el so compromisu pa “recuperar la dignidá del idioma como mediu de comunicación”.
El documentu, redactáu en castellán, titúlase “L'usu del Asturianu dende'l respetu a toos”, y nél Foru diz atopase “lloñe d'otres postures demagóxiques que piden respetar la Llei d'Usu y Promoción del Bable/Asturianu, pero que nin la respeten nin promocionen y/o usen la ‘llingua’”.
La postura de Foru con respeutu al asturianu, afirmen “ye clara”. Como exemplu, recuerden que’l Conseyeru de Cultura d'Asturies, Emilio Marcos Vallaure, usó l’asturianu na so intervención énte la Xunta Xeneral d'Asturies, lo que califiquen “como una amuesa más de la normalidá social que tien que tener esti patrimoniu cultural de tolos asturianos”. Según Alonso “la so intervención contribuyó a da-y más considerancia y prestixu que pallabres vacíes”.
La diputada de Foru Asturies remóntase a la hestoria y recuerda que l’asturianu tenía prestixu “ente los sieglos VIII y X, cuando los primeros reis cristianos usaben l'asturianu como la so única llingua” y afirma que foi col asturianu “cola qu'entamaron la espansión de la Reconquista”.
Col desenrrollu de la Llei d'Usu y Promoción del Asturianu Foru Asturies, “quier acabar con unu de los problemes que tien l'asturianu como llingua sociolóxicamente minoritaria, que ye'l de tar disociada d'aquellos ámbitos de comunicación de prestixu”. Por ello la formación de Francisco Álvarez-Cascos quier “sacar del llar la llingua, como parte de recuperar l'arguyu polo nueso, porque l'asturianu nun ye menos que nenguna otra llingua”.
Foru recuerda, sicasí, que siguen “apostando pola llibertá d'elleición, y ye qu'aspirar a la normalización del asturianu implica'l respetu absolutu a quien decide usar solamente l'español”. Según la formación gobernante “N'Asturies, al contrariu que n'otres comunidaes, convivieron en perfeuta harmonía dambes llingües a lo llargo de toos estos sieglos, y Foru namás quier facer normal lo que siempres tuvo ehí”.
Fonte: Asturnews
Donar prestigi a l'asturià i treure'l de la llar, em sembla extraordinàriament bo.
ResponderEliminarEl que em preocupa és la definició de la situació actual com a "conviven en perfeuta harmonía" i la invocació al "respetu absolutu a quien decide usar solamente l'español".
Pallabra por pallabra toi d'alcuerdu dafechu con David.
ResponderEliminar¿...?
ResponderEliminarEsta moza vió otra película o contaron-yla mal. El respetu abosolutu tien que ser pa los falantes de los 2 llingües y los asturfalantes anguaño nun lu tienen.
ResponderEliminarQue-y dean prestixu -lo mesmo que'l castellanu- cola oficialidá mañana yá. Nun hai otra forma meyor pa da-y prestixu.
"ente los sieglos VIII y X, cuando los primeros reis cristianos usaben l'asturianu como la so única llingua”.
ResponderEliminar"Según la formación gobernante “N'Asturies, al contrariu que n'otres comunidaes, convivieron en perfeuta harmonía dambes llingües a lo llargo de toos estos sieglos, y Foru namás quier facer normal lo que siempres tuvo ehí”.
Ente los sieglos VIII y XIV nun esistía n'Asturies el castellanu. Depués entró n'Alministración. Depués ente les clases adineraes y nes ciudaes......... siendo desconocíu nos pueblos hasta bien entráu'l sieglu XX cuando aportaron los medios de comunicación.
Esta moza nun sabe lo que ye la diglosia y como se reien de la xente na ciudá cuando venía xente del pueblu y como muncha xente camudó la so llingua pa espoxigar na sociedá y quitase l'"estigma" de probe o incultu. O les hosties que recibimos nos colexos por falar o dicir dalguna pallabra n'asturianu. Sicasí, nun pegaben nin multaben por soltar pallabres en castellanu.O como ta agora l'asturinau -entovía- depués de años y años de desprestixu.O como entovía la sociedá asturiana ye diglósica.
Si eso ye convivir en perfeuta harmonía..............
Pero vamos ver Teresa, esos tiempos que nos cuntes ya pasaron ¡toos ellos, moza! agora vivmos en plenu sieglu XXI ¿entá nun te enterasti? esta ye otra hestoria.
ResponderEliminarTienes razón no de que'l castellán y l'asturianu han de vivir en plena harmonía y pallo tamién tien que ser oficial l'asturianu.
Tan en perfeuta armonía, sofitu a la Llei,recuperar la dignidá del idioma, y Foru diz atopase “lloñe d'otres postures demagóxiques que piden respetar la Llei d'Usu y Promoción del Bable/Asturianu, pero que nin la respeten nin promocionen y/o usen la ‘llingua’”. Pos tamos arreglaos, muncha dignidá y munches frases guapes pero esi documentu ta asoleyáu en castellanu.Mal entamamos. Tan mal como poner armonía con h.
ResponderEliminarPa Foru Asturies, l'asturianu ye na práutica una modalidá llingüística (que llamen llingua)o seya que merez respetu y proteición, non una llingua que mereza la oficialidá nel Estatutu.
ResponderEliminarYa tamos otra vegada.
ResponderEliminarBono... "harmonía" puese escribir de les dos formes, con "h" o ensin ella.
ResponderEliminarLo que ta nidio ye que pa que l'asturianu tea prestixu hai de siguir lluchando ca; t'escuchen na alministración cuando fales n'asturianu; que nos medios de comunicación se faiga usu del asturianu como primer llingua (hai de tener en cunta, que'l castiellán tien usu xeneralizáu en toles cadenes y emisores, y l'asturianu namái en dalgunos programes o en radios llibres). L'asturianu tien de tener, por principiu democráticu, los mesmos drechos y llibertaes que'l castiellán y que'l resto de llingües del estáu. Esto nun se cumple y por ello tamos como tamos. La oficialidá de la llingua nun sé por qué la tien llerza too grupu parlamentariu.
Puxa Asturies!
Anónimu, gueta "armonia" na RAE anda, verás qu'ha de ser ensin "h".
ResponderEliminar