Les declaraciones de Llamazares, nun rueda de prensa conxunta con miembros de la direición de l’Academia de la Llingua Asturiana la selmana pasada, califíquense per parte de l'Asociación Cultural N’Ast como “un nuevu intentu de manipular de forma oportunista'l conflictu llingüísticu”.
Los responsables de N’ast albidren “vergoñantes y demagóxicos” los recientes pronunciamientos públicos que Gaspar Llamazares adoptó nel marcu de la so pre-campaña eleutoral.
Pa N’ast resulta “cuando menos esperpéntico” que'l que fuera másimu dirixente d'IX, y, afirmen “dempués de qu'esta formación política estatalista tuviera ocho años incumpliendo les sos promeses electorales sobro la oficialidá y participando nun gobiernu de coalición col PSOE, agora pretenda de nueu apoderase de forma eleutoralista d'una reivindicación ciudadana que realmente nunca nun alquirió presencia na so particular axenda política”.
Pa N’ast “el so supuestu compromisu a trabayar pola Oficialidá (cola consiguiente reforma estatutaria) dende'l grupu parllamentariu d'IX en Madrid vien a ser un auténticu insultu a la intelixencia”, yá que recuerden qu’“el principal bloquéu qu'atopa la reconocencia plena de los drechos llingüísticos s’alcuentra precisamente nel parllamentu d'Asturies”, onde pal coleutivu “bien conocemos cuála foi la costancia, la fondura y l'entidá de los compromisos eleutorales d'IX, siempres mui per debaxo del esfuerzu que realizó'l PAS con un solu escañu a lo llargo de la llexislatura 1995-1999”.
Fonte: Asturnews
Igual tien llexitimidá llegal,política,.. pero non moral depués de tar tiraos a la bartola no que cinca a la llingua cuando taben nel gobiernín col xinta tortielles.
ResponderEliminarMamina que panda, van dicimos los de n'ast quien pue o non puxar pola llingua. ¿Estos nun desapaeceran nunca?
ResponderEliminarL'amigu Llamazares "el comenenciosu temerariu" hundidor d'IX ¿agora vien dicnos qué tenemos que faer? ¿pretende fundinos tamién na miseria... o trata d'engañar al personal pap poder siguir viviendo del cuentu como fixo hasta agora?
ResponderEliminarVaya "listillo" que salió esti vividor del etéreu fumu políticu.
Y cuándo tuvo llexitimidá I.X. pa dir como paladín de la llingua y menos entá "l'amigu del pueblu" Llamazares?
ResponderEliminarllexitimidá dende que foron esbillaos nes urnes.Estos y tolos representantes de los asturianos.Otra cosa ye que lo faigan o non.
ResponderEliminarYe charranismu puru.
ResponderEliminarAsina van al desastre, y nun puen erixirse en defensores de nada...
ResponderEliminarPprobe Llamazares, probe Cayo y probe IX, agora tien qu'aliase cuatrocientos mil pa ver si salvendalgun escañu... ¿defendiendo Asturies y la llingua, precisamente agora?
ResponderEliminarYe meyor que se vaya pal asilu políticu y que dexe'l sitiu a otru más xoven y con meyores idegues, que ya tien superbona xubilación, home.
ResponderEliminar