El candidatu d’Izquierda Xunida d’Asturies al Congresu de los Diputaos, Gaspar Llamazares, aconceyó xunto a la candidata al Senáu y conceyala de cultura de Castrillón, Esther García, cola presidenta de l’Academia de la Llingua Asturiana, Ana Cano, pa tratar cuestiones llingüístiques alrodiu de la llingua asturiana. El candidatu de la coalición d’izquierdes comprometióse a facer fuercia dende’l Congresu pa que la oficialidá del asturianu se recueya modificando l’Estatutu d’autonomía, amás de busca solución pa la situación d’interinidá que viven los profesores d’asturianu. Llamzares comprometióse tamién a lluchar pol cumplimientu de la Llei d’Usu del Asturianu y a “tar atentos a cualesquier iniciativa que tenga que ver coles llingües y el so usu nes dos cámares”.
Llamazares recordó que los profesores d’asturianu tán nuna situación d'interinidá “porque'l Ministeriu nun reconoció nel catálogu d'especialidaes la d'asturianu”. A xuiciu de Llamazares esta situación ta produciendo una discriminación frente a los d'otres especialidaes, yá que viven en situación d'interinidá mientres nun se convoquen oposiciones. De la mesma, recordó que se trata d'una reivindicación xusta y de sentíu común” yá que n'Asturies yá esiste la especialidá na Universidá, con un minor y un máster. “Esti puntu esta recoyíu nel programa col qu'IX d'Asturies va allegar a les elleiciones del 20-P”, recordó.
Asina, Ana Cano señaló, na so xunta con IX que, magar que la política llingüística correspuende al Gobiernu autonómicu, hai cuestiones que dependen del estatal, como ye'l casu de la reconocencia de la especialidá, “que tien una fácil solución al marxe de la oficialidá”.
Pela so parte, Esther García, quien tamién exerció como profesora d'asturianu, recordó que tol profesoráu de llingua ta en precariu. “La formación yá la tenemos”, recordó,la candidata al Senáu, señalando que namás falta la especialidá.
Llamazares reconoció que la reforma estatutaria nun ye una prioridá pal restu de fuercies polítiques presentes nel parllamentu y que na anterior llexislatura namás IX defendió la cooficialidá na reforma atayada. Amás, señaló que mientres nun se consiga la oficialidá, “hai un camín por percorrer col esplegue de la Llei de Promoción y Usu”.
Fonte: Asturnews
claro, agora.¿ye que nun teníen representación hasta agora?
ResponderEliminarSi nun lo fixeron tando nel gobiernu con Tinin na cai Fruela van faelo agoran nel Congresu de Madrí.
Lo que ha de faer Esther García ye lluchar pa que la Casa Conceyu de Piedrasblancas emplegue los topónimos tradicionales y agora oficiales del Conceyu Castrillón.Tamién iguar los cartelos ya indicadores de los pueblos:Piedrasblancas,Piarno,Samartín de L'Aspra,Arnáu,..... y non como tan agora : Piedras Blancas, Pillarno, San Martín del Aspra, Arnao,...
ResponderEliminar¿Qué tanto facer hasta agora qu'obedientes al gran galafre xintaron les migayes polítiques que cayíen de la so mesa n'Uviéu, o meyor entá en Madrid? Y agora quieren que-yos creamos. Que vaigan a engañar a otra parte esta banda de tramposos asociaos.
ResponderEliminarTuvo tiempu pa faelos mientre munchos años pero alcuérdense agora, permala memoria.
ResponderEliminarYá fai en forma tiempu que perdieron la brúxula de tanto faer la pelota a tini y les sos secuaces de la cueva de Alíbabá.
ResponderEliminarY agora vien de Madrid el esiliau Llamazares a danos llecciones de defensa d'asturies, ye incredible la caradura de dalgunos pa siguir viviendo a lo grande ensin dar golpe.
ResponderEliminar¿y cuándo va ponese a trabayar de verdá?
ResponderEliminar