Hasta’l 27 d’ochobre puen presentase propuestes pa la convocatoria fecha pol Conceyu de Xixón pa recoyer la toponimia menor del so territoriu, dempués de qu’en 2006 s’investigare y oficializare la toponimia mayor. Regatos, montes, finques, caminos y demás elementos menores de la toponimia xixonesa van vese recoyíos agora gracies a esti contratu col que va facese una base de datos, entregada darréu a la Xunta Asesora de Toponimia, qu’habrá d’oficializar los datos.
El contratu estiéndese hasta la fin d’añu y tien un presupuestu máximu d’unos 11.000 euros, incluyendo cerca de 530 hores de trabayu. Nesta primer campaña van recoyese polo menos 500 topónimos de caúna de les siguientes parroquies: L’Abadía Ceneru, Cabueñes, Caldones, Granda, Puao, Fresno, Veriña y Serín. En total más de 3.000 nomes tradicionales a los que van siguir miles más en 2012, cuando se siga col trabayu sobre’l restu de les parroquies.
Fonte: Asturnews
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.