Relhembrar

Puosto por faustino.antao  an 6/30/2015

Relhembrar

https://www.youtube.com/watch?v=0AcV9xnhrkQ

  De beç an quando boto-me a ber ls mius arquibos i muitas son las bezes que paro andonde passei buns cachicos.

  Este bideo rebela un deilhes, staba nua de las classes d’ansino que l nuosso Mestre Amadeu daba, nua aula de mirandés.

 Nunca serei capaç de pagar tamanha dádiba, nien tenerei palabras para splicar quanto m’anriquecírun ls sous ansinamientos, que ne ls cursos, correçon de testos, an palhestras de la lhéngua i cultura mirandesa el trasmitie. Momientos ricos, d’ouro an quel botaba todo l sou ampeinho i dedicaçon cun saber i spriéncia fazie cun que you i quien staba cun el quedasse abonado de saber i conhecimento. Nunca pedie nada, mas you sabie quel querie que recebissemos la sue mensage, que fazissemos deilha ua arma para alhembantar la lhéngua.

  L bideo ye dua classe (12.04.2008), la maiorie son Zenizienses, que alguns agarrórun, outros nien tanto esse deseio, i cada beç quel bie un de ls sous alunos screbir era cumo se bisse filhos a dar ls purmeiros passicos.

 Tengo percurado i cuntinarei a fazer-lo, publicando, screbindo subre l que me bai n’alma deste grande home.

  El merece que hoije pongamos a lhuç de l mundo todo l que fizo, ne l ansino, ambestigaçon, scrita, traduçones, lhibros, publicaçones i todo será pouco para honrar sue mimória.

 Steiades adonde stubirdes, bien haiades, ls buossos ansinamientos yá dórun fruitos i cuntinaran a dar, la obra nunca se muorre.                                     Fonte: froles mirandesas

Unes Xornaes Gastronómiques pa sofitar el Cabritu Bermeyu

L'Asociación de Sidreríes de la cai Gascona empecipió ayeri les II Xornaes Gastronómiques del Cabritu Bermeyu que se van celebrar hasta'l próximu 9 de xunetu y de camín punxo en valor la importancia d'esta raza autóctona de la mano de José López, miembru de l'Asociación de Criadores del Cabritu Bermeyu, qu'esplicó nel Bulevar de la Sidra que la especie ta en peligru d'estinción con solo 3.065 exemplares censaos. Los establecimientos de la Cai Gascona van ufiertar el cabritu guisáu, rustíu, estofáu, con pataques, a la sidra, n'hamburguesa o en chuletes dientro de les sos cartes, qu'hasta'l 9 de xunetu van tener esta aportación especial. L'oxetivu amosábase nidiamente esti xueves na presentación:"apostar pol nuesu compromisu con Asturies, coles races autóctones y los productos de la tierra". L'encargáu de presentar les Xornaes, Ángel Álvarez Uría, en representación de l'asociación, dexó bien claro en tou momentu l'apueste de los restauradores uvieinos por esti productu asociáu tradicionalmente a les cuenques mineres y otres zones de la rexón. Fonte: Asturnews

“Un Gobiernu que xire les polítiques asturianes 180 graos ye posible”

Héctor Piernavieja Cachero (Mieres, 1990), de Podemos, ye’l diputáu más mozu de la Xunta Xeneral. Encargóse d’abrir la llexislatura emplegando l’asturianu, dalgo que va siguir faciendo nel futuru.

¿Cómo afronta la responsabilidá de ser diputáu?

Supongo que como cualquier persona normal na mio situación; ye una gran responsabilidá y, a vueltes, da vértigu, pero toi preparáu pa dar lo meyor de mi y  responder al enfotu de toles persones que sofitaron el nuestru proyectu.

Hai muncha xente detrás de les nueve persones que vamos tar dientro de la Xunta Xeneral con muncha formación y esperiencia, y eso da muncha seguranza

¿Qué va aportar Podemos a la dinámica del Parllamentu?

Vamos facer por averar el Parllamentu a la xente. Ye dalgo que yá tamos faciendo; paezme que nunca la xente fizo tantu siguimientu de la Xunta Xeneral.

Vamos facer que la xente sepa tolo que pasa ehí dientro. Yá diximos que nun entrábemos solos, sinón qu'entrabemos con más de 100.000 persones que sofitaron el proyectu. La nuestra aspiración ye que, pasu ente pasu, síamos munches más les persones qu’apostemos pol cambiu

Otra manera, vamos facer que nel Parllamentu se fale de la xente y los sos problemes. Tenemos representación abondo como pa poder facer que se fale de política social.

Paez que nun va ser posible qu'Emilio León algame la presidencia ¿Piensen que ye posible sacar alantre parte del so programa dende la oposición?

Los diferentes grupos van tener que se posicionar ente siguir estables como nes ultimes llexislatures de la FSA o apostar pol cambiu. Topamos un grau abondo altu de sintonía programática con Izquierda Xunida; xuntos tenemos el mesmu númberu d'escaños qu'el PSOE y 25.000 votos más

Un gobiernu que cambie les polítiques pa da-yos un xiru pa la xente ye posible y eso diba danos muncha más capacidá pa desendolcar el nuestru programa.

¿El ser el más mozu de la Xunta Xeneral marca de dalguna manera?

Paezme un síntoma democráticu perbonu que la mio xeneración podamos tar representaos na Xunta Xeneral. La mocedá n'Asturies siempre tuvo una situación mui mala, sobre manera cola ofensiva neolliberal de los últimos años, nos que parez que namás nos queda escoyer ente paru, precariedá o emigración forciada. Eso ye lo que me marca. Ye una reponsabilidá llevar la voz de la xeneración mozo al hemiciclu.

Nel restu d'aspectos, pa bien y pa mal, soi un diputau más de Podemos Asturies.

Nel Plenu de constitución de la Cámara encargóse de lleer los artículos del marcu llegal sobre les votaciones en llingua asturiana. ¿Qué lu llevó a ello? ¿Foi una iniciativa personal o una decisión del grupu?

En tolos movimientos nos que participé siempre defendí que hai que normalizar l’usu de la llingua asturiana en toles estayes de la vida. Depués de recibir la documentación del lletráu mayor, falelo col diputáu Andrés Ron –que ye l’otru diputáu más mozu de los 45– y a los dos paeciónos una idea mui bona.

¿Hebo dalguna torga o malestar ente’l restu de grupos por utilizar la llingua asturiana o portar una camiseta en defensa de la oficialidá, como vusté fixo?

Si la hubo, dame igual. Directamente, naide me dixo nada. Ye más, falar asturianu ye un derechu de toles persones d'Asturies.

En cuantes a lo de la camiseta, soi la mesma persona fuera del Parllamentu que dientro, y nun soi mui de traxe y corbata. Somos xente normal, faciendo política y polo tanto, siguimos siendo les mesmes persones.

¿L’emplegu de l’asturianu va tener continuidá o va ser anecdóticu?

La carta de l'UNESCO de los Derechos llingüisticos recueye que toles persones tienen el derechu d'escuchar falar a los sos representantes na so llingua.

Nel nuestru ADN ta la defensa de los derechos humanos y por eso voi facer les mios intervenciones nel parllamentu tantu n'asturianu como en castellán.

Parezme que pa normalizar la llingua ye importante que se sienta na Xunta Xeneral.

¿Hai posibilidá de meyorar l'estatus llegal del asturianu esta llexislatura o sacar alantre un Plan de Normalización o un reglamentu de la Llei d'Usu?

Asina lo recoyemos nel nuesu programa y hai dellos grupos políticos que tienen esta mesma voluntá nel so programa ellectoral. Nosotros vamos trabayar tolo posible pa que sia asina.

Parez que los 3/5 de la cámara que faen falta pa facer un Estatutu d'Autonomía nuevu que recueya la oficialidá del asturianu queden lloñe, polo que col resultáu eleutoral qu'hebo vamos trabayar muncho pa equiparar los derechos de castellanofalantes y asturfalantes.

¿Habrá Gobiernu de la FSA-PSOE en minoría o hai posibilidá de qu'IU o dalguna otra fuerza apoye al candidatu de Podemos?

Como comenté enantes, el trabayu que ficimos muestra que tenemos un altu grau de coincidencia programática con Izquierda Xunida y xuntos tenemos el mesmu numberu d'escaños y 25.000 votos más qu'el PSOE. Un Gobiernu que xire les polítiques asturianes 180 graos ye posible.

Pola nuestra parte, vamos trabayar tolo posible pa qu'esto sía una realidá

Quedaron solos defendiendo una mengua nes retribuciones de los diputaos. ¿Qué opinión-y merez la postura del restu de grupos parllamentarios?

Pa min ye una decepción que se quiera midir la dignidá de la Parllamentu pol salariu de diputaos y diputaes. Na mio opinión, lo que marca la dignidá de la Xunta Xeneral ye la dignidá de les polítiques que s’aprueben nella.

Poro, en Podemos apostamos por venceyar el salariu de diputaos y diputaes al del conxuntu de la población. Pa que los políticos cobren más, tienen que ser quien a ameyorar les condiciones de vida de la xente, asina ye bien cenciello: subir elSalariu Mínimu Interprofesional y diben cobrar más de los 1.950 euros que proponemos que, per otra parte, paecenme más que dignos.

Nesti sen, la propuesta que facíamos yera muncho más integral que les retribuciones. Tamién llevaba asignaciones a grupos parlamentarios y asesores. Ye una pena que de lo primero que se fale –y que xenere un consensu tan grande en tolos partíos menos en Podemos– sían estes coses.                                                                       Fonte: asturies.com

La Tertulia Malory escueye «Más espeso que l’agua», de Consuelo Vega, como meyor llibru n'asturianu del 2014

La escritora ayerana Consuelo Vega 

 La Tertulia Malory, de L'Entregu, escoyó la selmana pasada como meyor llibru n'asturianu de tolos que s'editaron nel 2014 el conxuntu de cuentos arrecoyíos embaxo'l títulu "Más espeso que l’agua", obra de la escritora ayerana Consuelo Vega. El xuráu tuvo formáu polos escritores Xulio Arbesú, José Luis Rendueles, Pablo Rodríguez Medina, Solinca Turbón, David Fernán, Roberto Corte, Chechu García y Henrique G. Facuriella, que fallaron el premiu nun actu celebráu na tertulia’l 26 de xunu del 2015.

 El xuráu destacó nel acta del fallu «una magnífica coleición de cuentos qu’algamen con voz sensible, firme y poderosa’l terrén de la maestría narrativa, amosando al llector el delicáu misteriu que s’escuende tres de lo cotidiano, siempre con una prosa esencial, guapa, ensin aditivos. Histories de xente corriente, vides comunes que, gracies a l’habilidá d’una observadora atenta, resulten aventures estraordinaries.».

 El gallardón consiste nuna illustración d'Alfonso Zapico y una medaya conmemorativa, que se van entregar nun actu públicu en L'Entregu en prósimes feches.

 Esta ye la cuarta vez que'l grupu concede esti premiu, l’añu anterior resultó ganadora Carne de melandru, novela xuvenil de Milio Rodríguez Cueto. Con esti gallardón, los sos entamadores quieren prestixar les lletres asturianes, al empar que se da difusión a les obres que, a criteriu del xuráu, sían consideraes los meyores llibros escritos cada añu n'asturianu.

 Como se diz nel acta del Xuráu y na nota de prensa asoleyada pola Tertulia, "Más espeso que l’agua" ye una coleición de cuentos onde se recueyen narraciones escrites nel espaciu de venti años, con una voz personal que nos regala maxistrales discursos demográficos como nel rellatu Llevaben la comida, o la emocionada señalda del qu’aporta a una patria estraña, qu’atopamos nel cuentu Gouda. Cada rellatu va dir enseñando fragmentos de la esistencia de xente cola que topamos a diario, xente que, tres d’una aparente normalidá, escuende traxedies, enormes sacrificios, amores...

 Consuelo Vega (Bustillé, Ayer, 1961). Llicenciada en Filoloxía. Como narradora diose a conocer nel añu 1995 cola obra Cera frío, relatu curtiu col qu’algamó en 1994 el Primer Premiu María Xosefa Canellada de Narrativa. Ye coautora, xunto con Antón García, del ensayu Del centru a la periferia (1993), una interesante reflexón sobre’l procesu hestóricu y cultural que llevó a Asturies de ser centru d’ella mesma a ser periferia d’una entidá superior, amás del trabayu Una mirada a la muyer na historia, del añu 1999. Ye tamién autora de traducciones de Peter Handke y Christine Nöstlinger, ente otros.                                                                                                         Fonte: asturnews

Viñetes d'Efrén d'Andrés: Fin de cursu

Fin de cursu

Fonte: asturies.com

El Parlament Europeu manté el veto al català

El president de la institució ratifica per carta a la Plataforma per la Llengua la impossibilitat que es pugui parlar el català a la cambra mentre no sigui oficial a la Unió Europea

El president del Parlament Europeu, Martin Schulz, ha ratificat que no es pot parlar català al Parlament Europeu mentre no sigui llengua oficial de la UE. Ho ha fet arran d'una demanda de la Plataforma per la Llengua amb el suport d'alguns parlamentaris catalans.  

Schulz assegura a la carta que és "conscient de la importància del català com a llengua regional parlada per molts ciutadans de la Unió", però que no pot fer-se servir al Parlament atès que no és oficial.

La Plataforma per la Llengua denuncia al seu web que "cap dels successius governs espanyols no ha tingut una mínima voluntat per demanar que el català sigui llengua oficial de la Unió Europea" i que això comporta "restriccions en centenars de disposicions europees que l'exclouen, limiten o imposen l'ús d'altres llengües".

Fonte: Nació Digital

Aprúebase l'Axenda Didáctica Escolar

Puen consultase les actividaes concedíes a los centros que les solicitaren

El vienres 26 de xunu publicóse nel Boletín Oficial del Principáu d'Asturies (BOPA) la resolución pola que s'aprueba la programación anual de l'Axenda Didáctica Escolar.

El plazu pa llevar alantre les actuaciones y actividaes nos centros educativos remata'l 20 de payares del 2015.                                                                                     Fonte: asturies.com

• Actividaes axudicaes a centros d'Educación Primaria.

• Actividaes axudicaes a centros d'Educación Secundaria y/o Bachilleratu. 

LA CULPA FUI DE LA CARRETA

Puosto por faustino.antao an 6/26/2015  09:50:00 da tarde

L pai-abó de Luciano que yá tenie feito nobenta i cinco anhos morrui-se.

 Luciano fui-se a dar las sentidas maugas a sue mai-abó que tamien tenie nobenta anhos i que staba muito chorona.

 Quando Luciano biu qu'eilha yá staba mais assossegada i capaç d’oubir alguas palabricas.

-Atrebiu-se a percurar: 

 Mai-abó porquei se morriu pai-abó?

Tou pai-abó morriu-se quando faziemos amor.

 L nieto, siempre cun cuidado para nun oufender mai-abó dixo-le:

Anton bós nun sabeis que fazer amor cula buossa eidade ye muito peligroso.

Si nós sabiemos-lo.

Anté que ne ls redadeiros cinco anhos yá solo faziemos amor al deimingo i quando las campanas tocában dling…dlong…dling….dlon…

Mas la culpa fui de l home que passou cula carreta, dling, dling, dling, dling…. 
                                                                                                       Fonte: frolesmirandesas.blogspot.com.es

García Arias siguirá dos años más como eméritu honoríficu

Xosé Lluis García Arias vieno acabante ser nomáu esta selmana eméritu honoríficu de la Universidá d'Uviéu colo que podrá allargar la so docencia nes aules universitaries dos años más, pa gayola del alumnáu que va poder siguir disfrutando de la calidá científica y docente d'esti especialista.  Caderalgu de Filoloxía Española foi presidente de l'Academia de la Llingua Asturiana ente 1981 y 2001 y ye autor de numberoses obres sobre gramática y toponimia asturiana y contribuyó decisivamente a la ellaboración del Diccionariu Xeneral de la Llingua. El Conseyu de Gobiernu de la Universidá d'Uviéu votó esti martes, na so sesión del mes de xunu, el nomamientu del inxenieru Alfonso Fernández Canteli como profesor eméritu y el del filólogu Xosé Lluis García Arias como eméritu honoríficu. Dambos los dos van poder d'esta forma siguir col so llabor docente ya investigadora na institución asturiana dos años más dempués de la so xubilación. Y reciben asina la reconocencia de los sos compañeros. Fonte: Asturnews

La Coral de Ribadeo celebra so 60 aniversariu

La Coral Polifónica de Ribadeo en concierto

   El Coru de la Fundación Princesa d'Asturies va ufiertar, con motivu del 60 aniversariu de la Coral de Ribadeo, un conciertu mañana sábadu, 27 de xunu, a les 20.30 hores nel Auditoriu Municipal Hernán Naval de Ribadeo (Llugo).

   So la direición de José Ángel Embil, el programa va encetar un repertoriu qu'inclúi temes relixoses del Renacimientu y del Barrocu, polifonía de compositores de los sieglos XIX y XX, música pop y cantares tradicionales asturianes. El conciertu ye de llibre accesu hasta completar aforu.

   El Coru de la Fundación Princesa d'Asturies foi creáu en 1983 y ta consideráu como una de les formaciones amateurs más importantes d'Europa y tien un reconocíu prestíu nel ámbitu internacional. Dende la so creación, Jesús López Cobos, Premio Príncipe d'Asturies de les Artes en 1981, ye'l director honoríficu de los coros, cargu que comparte na actualidá con Krzysztof Penderecki, que recibió nel añu 2001 el mesmu galardón. N'avientu de 2007, el Parllamentu Européu estremó al Coru con una reconocencia estraordinaria “pol so destacáu serviciu en pro de la Xunión Europea”. Con muncho ésitu, realizó xires per Europa y Oriente Mediu y celebró conciertos en Rusia al pie de la Orquesta Filarmónica de San Petersburgo y Los Virtuosos de Moscú.     Fonte: asturnews

“Si dalgo dexaron Ígor y Carlos foi amigos y un mui bon recuerdu”

   El vienres y el sábadu va celebrase en Xixón la novena edición de N’Alcordanza, festival de música qu’axunta a 18 formaciones en nueve llocales de la ciudá en recuerdu a los ‘felpeyos’ Ígor Medio y Carlos Redondo.

   “Si dalgo dexaron Ígor y Carlos foi amigos y un mui bon recuerdu, inclusive ente xente que nun tuviera un tratu continuáu con ellos”, apuntó Boni Pérez, organizador xunto a Ruma Barbero y Rubén Ardura d’esti eventu col que se pretenden que nun quede nel escaezu la memoria de los dos miembros de Felpeyu que morrieren nel 2006 nun accidente de tráficu camín de Catalunya cuando viaxaben a tocar a Catalunya dende Corvera na Nueche de San Xuan.

   Como cada edición, nun atopen dificultá nenguna pa la collaboración de grupos, llocales y téunicos de soníu manera desinteresada convirtiendo a Xixón nuna ciudá volcada a la música mientres dos xornaes.

   “Tiramos de xente que tea trabayando nesti momentu, con discu reciente, combinando lo que ye la veteranía cola mocedá, y tamién xuntando a músicos que llevaben tiempu ensin tocar xuntos”, esplicó Barbero, que destacó que “como yá fiximos los últimos años, repetimos la fórmula de facer un festival per diferentes llocales onde normalmente se programa música enXixón, llocales que van dende chigres pequeños a llocales más grandes”.

Los estilos son tamién variaos: “dende la tonada, pasen pel jazz, van pel folk, acaben nel rock y, en dalgunes casos, son xéneros inclasificables”, dixo Ardura. D’esta forma, los organizadores traten de “reivindicar la escena musical asturiana nel so conxuntu”, que necesita “que se mire pa ella de varies maneres y de varios focos; dende les instituciones, dende’l públicu y dende la propia xente que toca, que faigan por reivindicar una profesión como ye la de facer música y una industria cultural como ye la música d’Asturies”.

   Nesi sen, Ardura aseguró que “tán empezando a pasar coses”, en referencia a la creación de l’asociación La Caja de Músicos, en Xixón, y l’Asociación de Músicos d’Uviéu. “Ta habiendo movimientos nos que los propios músicos tomen les riendes sobre’l so propiu futuru y necesidaes”, continuó. 

   Pérez recordó que “dende un primer momentu esta reunión de músicos quixo tener un calter reivindicatiu, de la música en xeneral y de la música asturiana, en particular”. Les dos asociaciones reivindiquen los puntos del manifiestu que fixo públicu hai dos años N’Alcordanza y La Caja de Músicos va inclusive a intervenir mañana, a les 22 hores, enantes del conciertu previstu nel Acapulco.

Echando un vistazu atrás dende l’asoleyamientu de dichu manifiestu, Ardura considera que “nun hebo avance nengún; si acasu, dalgún atrás” no que se refier a la situación de los músicos asturianos. Sicasí, ve importante’l fechu de que los músicos, al igual que les instituciones y públicu, vayan tomando consciencia de la situación.

Parte gráfica            Amás de la faceta musical, N’Alcordanza tamién tien una parte gráfica. “Ígor tenía muncha rellación coles artes gráfiques, yá qu’estudió Belles Artes, y Carlos con xente de la ilustración, del diseñu gráficu y la fotografía, polo que l’añu pasáu encargamos a una serie d’artistes que los conocíen direutamente y trabayaren con ellos, unes postales onde nos contaran gráficamente qué ye pa ellos la música y l’oficiu de músicu”, apuntó’l tamién dibuxante Barbero.

   Esti añu abrióse l’abanicu tamién a artistes que nun conocíen a Ígor y Carlos col mesmu mensaxe, creaciones que pueden consultase na web del festival. No que respeuta al cartelu d’esta edición, foi obra de Marcos Recuero, que sucede nesti honor a Fernando Gutiérrez.

   Pal añu qu’entra, coincidiendo col décimu aniversariu de N’Alcordanza, la organización tien previsto facer coles postales d’esti añu y l’anterior, más les que s’encarguen nun futuru, una esposición.

Los conciertos       El cantautor Alfredo González va abrir les actuaciones mañana, a les 20 hores, nel Toma 3, pa depués pasar l’actividá, a les 22 hores, al Acapulco, onde van tar presentes FMM, Bueno, Thee Operators y Blue Dog Avenue. Los conciertos previstos pal sábadu son los siguientes: Ramos & Ribera (13 hores, Alambique); Odón García, Pepín de Muñalén y Nel Suárez (14.30 hores, Canteli); Cerezal y Tejedor (16 hores, La Vida Alegre); Felpeyu y Xéliba (18 hores, Xéliba); Pin Carter, y Nacho Álvarez y el Quarteto Bendición (20 hores, Patio la Favorita); Shogun y Misiva (22 hores); y Rafa Kas y cia., Alce y Navaya, y Los Kinkis (00 hores, Savoy).

   La presencia de la música en llingua asturiana nesta edición ye importante, cola participación de grupos como Cerezal, Tejedor y Misiva, o d’Alfredo González. Amás de Felpeyu, que nun podía faltar nesti festival, tamién destaca’l reencuentru de Xéliba y los proyeutos musicales novedosos como’l de cantante de tonada Odón García, col acompañamientu musical de Pepín de Muñaléz (xiblata) y Nel Suárez (guitarra); el de Pin Carter, lo nuevo de Carlos Felipe Valdés, ex baxista y cantante de Mamy Carter, con lletres n’asturianu y castellanu; o la primer banda de garage en llingua asturiana, Alce y Navaya, formación que debuta y que ta compuesta por Rubén Bada y Miliu Fernández.          Fonte: asturies.com

Dempués de les quexes d'Iniciativa pol Asturianu, reabre'l Serviciu de Normalización Llingüística de Mieres

Iniciativa pol Asturianu presentó va dos meses una quexa nel rexistru del Conceyu de Mieres dempués de recibir l'avisu de dellos vecinos del conceyu y saber que'l Serviciu de Normalización Llingüística taba peslláu. Dempués d'esta quexa y col entamu del mes de xunu, volvió a ponese en funcionamientu esti serviciu de gran importancia pa la normalización y promoción del idioma. 

Estos servicios, que viven momentos de continua intestabilidá habríen tener un mayor sofitu, tanto del Gobiernu d'Asturies, dándo-yos una financiación estable, como de los Conceyos, qu'en munchos casos nun dediquen nengún presupuestu a la so actividá y caltenimientu.

Fonte: Iniciativa pol Asturianu

IX repite na Xunta'l sofitu a impantar bachilleratu en Zarréu

Rincón de Zarréu

   El grupu parlamentariu d'IX vieno acabante repetir el sofitu a l'Asociación de Madres y Padres de Zarréu que demanden la implantación del primer cursu de bachilleratu pal próximu cursu escolar. María José Miranda, vicepresidenta de la Xunta, y la diputada Concha Masa caltuvieron un alcuentru esta mañana con una representación de los padres, encabezada pola presidenta de la AMPA, Susana Marentes, acompañaos de representantes de la'AMPA de Bual, que conxuntamente con otres asociaciones pretenden formar una AMPA de colexos rurales en toa Asturies.

   María José Miranda recordó qu'IX yá sofitó a los padres de Zarréu al traviés d'una Proposición Non de Llei que s'aprobó na llexislatura apocayá rematada y va recuperar esa iniciativa de manera urxente, que foi votada por tolos grupos salvu pol PSOE.

   Na opinión d'IX "la Conseyería niega la implantación del bachilleratu en Zarréu por una cuestión económica, amontar la plantiya en dos profesores a media xornada y unu de matemátiques a xornada entera, cuando'l beneficiu pal conceyu de Degaña ya Ibias sería enforma mayor, y evitaría a los neños tener que treslladase tolos díes hasta l'institutu de Vil.lablinu, cruciando un puertu de monte de 1.400 metros, qu'en dómines ivernices fai que los neños pierdan ente 1 y 2 meses al añu de clases. Esti pidimientu, que Marentes xulga nada escabarriáu beneficiaría a ente 10 y 12 alumnos mientres el cursu próximu, d'un total de 100 neños qu'agora estudien en Zarréu". 
Fonte: asturnews