Esta mañana ta celebrándose la sesión constitutiva de la Xunta Xeneral, onde l'asturianu ta teniendo más presencia que nunca. Seis diputaos de Podemos emplegaron l'idioma. Sanjurjo preside de nuevo la Cámara.
Emilio León, Daniel Ripa, Kike López, Héctor Piernavieja, Andrés Ron y Lucía Montejo son los parllamentarios de Podemos que recoyeron l'acta de diputaos usando l'asturianu. D'esta forma, el nuesu idioma, de siempres tapecíu nel Parllamentu asturianu, ta más presente que nunca.
Pedro Sanjurjo resultó escoyíu otra llexislatura más como presidente de la Xunta Xeneral tres una votación a la que tamién se presentó la popular Emma Ramos pese al alcuerdu esistente ente tolos grupos, a esceición del PP, de repartir tolos cargos de la mesa. D'esta forma, la formación lliderada por Mercedes Fernández pierde la vicepresidencia primera que-y correspondería, pasando ésta a María Josefa Miranda (IX), y tien que conformase cola vicepresidencia segunda, que va ocupar José Agustín Cuervas-Mons. Na votación pola presidencia, Sanjurjo, que ganó a Ramos en segunda ronda al nun tener mayoría absoluta na primera, cuntó col apoyu de los diputaos d'Izquierda Xunida y Ciudadanos, mentes que la popular namái algamó los de Foro.
El partíu encabezáu por Cristina Coto foi'l perxudicáu que quedó finalmente fuera de la Mesa, yá que pa la secretaría primera resultó escoyíu Ignacio Prendes (Ciudadanos) y pa la segunda, Rosa María Espiño (Podemos), que ganó na votación a Esther Landa tres empatar dambes a 14 apoyos.
Na semeya, fecha por Daniel Ripa, Piernavieja llee la constitución de la Xunta Xeneral en llingua asturiana.
Fonte: Asturies.com
Ripa en cuenta de faer semeyes que devuelva los 60.000 € de marras. Y los otros dos progres de pacotilla en paxellu playeru que recuerden el "sagráu" llugar onde tán y preséntense decentemente vistíos, esto ye, con respetu a los asturianos y a Asturies.
ResponderEliminarCola visibilidá del idioma nos actos oficiales entama la so normalización social.
ResponderEliminarYe un bon pasu alantre.
ResponderEliminarEl casu de la beca de Errejón al llau del casu de los 60.000 euros de la beca ensin cumplir de Ripa quedar en nada. Vaya tropa y vaya banda de bandíos. Ye d'auténtica vergoña, acusen y acosen a otros por bien de menos y sicasí ellos nun dimiten de nada, val-yos tou pala buchaca.
ResponderEliminarTamién prometieron el so cargu n'asturianu trés diputaos d'IX.
ResponderEliminar...en camiseta, paez mentira, ye una enorme falta de respetu a les instituciones uy al pueblu.
ResponderEliminarQué coses diz Basilio. ¿Ye qu'hai respetu a daqué o a daquién nestos tiempos que cuerren? ye como pidir peres a una llamera, hom.
ResponderEliminar