Real Sporting de Xixón
El 7 de xunu del 2015 va ser recordáu pa siempre na historia del sportinguismu. El club roxiblancu ascendió a Primera gracies a un gol del Lugo nel descuentu en Montilivi.
El Sporting necesitaba ganar nel Benito Villamarín por dos goles y un empate del Lugo, equipu que llegaba a Girona colos deberes fechos –nel casu de trunfu gallegu bastaba con ganar en Sevilla–, y los d'Abelardo salieron a pol partíu dende'l primer minutu, consiguiedo el primeru nel 23 nuna bona combinación de Sergio y Luis Hernández que materializó Guerrero. Llueu, na segunda parte, llegaríen los tantos de Jony y Isma López, y toles miraes punxéronse en Montilivi, onde'l Girona ganaba 1-0 por un gol de Sandaza poco enantes del descansu. El Sporting necesitaba un gol de Lugo, que taba apretando al conxuntu catalán, y ésti llego gracies a un cabezazu del arxentín Caballero nel 92.
Percorríu triunfal del equipu poles cais de Xixón en golor d'ensames
La llocura españó en Xixón y en media Asturies pese al susto que supunxo un gol bien anuláu al central Lejeune y la suspensión del partíu por parte del colexáu Sánchez Martínez tres recibir el so asistente un botellazu. Sicasí, el murcianu, con Quique Setién yá en rueda de prensa, mandó volver a los equipos pa disputar 40 segundos interminables pa la plantiya y aficionaos del Sporting. Finalmente, el gol nun llegó y el Sporting ascendía a Primera nuna xornada que pasa a la centenaria historia del club roxiblancu.
Tres la resaca de la celebración d'ayeri, güei toca la segunda parte, con un percorríu peles cais de Xixón y alcuentru cola afición na Plaza Mayor. Un autobús va salir a les 18.30 hores d'El Molinón pa garrar l'avenía Castiella, la Costa, Palacio Valdés, Álvarez Garaya, Plaza'l Carmen, Los Moros, Xovellanos y Cabrales.
Otra manera, na segunda eliminatoria de la fase d'ascensu a Segunda División B, el Condal nun pudo sacar un resultá positivu na so visita al Cayón. Los de Noreña perdieron 1-0, con gol de Lavín, y deberán remontar el domingu nel Alejandro Ortea pa continuar na llucha pol ascensu a la categoría de bronce. Fonte: asturies.com
Esti ye un gran añu pal fútbol asturianu. Dende equí un merecíu homenaxe -pel momentu porque hai más ascensos en cartera- pal Uviéu que xubió a 2ª división y pal Spórting de Xixón que lo fixo a 1ª. Agora a plantegar bien y con cabeza la próxima temporada porque nun haya plasmos deportivos nin económicos: ¡¡¡FELICIDAES!!!
ResponderEliminarYe un acontecimientu bien bono pa la xente de Xixón y en xeneral pa tola ciudá.
ResponderEliminarUn Sporting de Xixón en Primera División y n'asturianu.
ResponderEliminartamién subió l'Uviéu a segunda.
ResponderEliminarA mantenese que ye lo difícil nel primer añu pal Uviéu del mexicanu que nun se fai cargu de les deudes añeyes y abultaes deldes del club pero sí los ésitos deportivos y, tamién pal Sporting el de les abondoses deudes xixoneses. Suerte a dambos dos equipos piqueros asturianos.
ResponderEliminar