Xuan Porta
Europa foi nomada asina per primer vegada fai 3000
años. De mou que ye muncho más antigua que les sos naciones. La so xunión
caltendría la fuercia del continente y la so diversidá. Europa, amás exerció
del so orixe un focu universalizante empobináu al xéneru humanu. Tampoco nun ye
un aparatu modernu, económicu o políticu, sinón que ye un idegal milenariu
dende l’antigua Grecia. Atoparemos a Europa faciendo por ella, non nel sen del
mercáu sinón nel de los sos xenios universales.
El primeru que punxo’l nome a Europa foi’l griegu Hesíodu
nel añu 900 enantes de la nuesa era. Afitó que yera una diosa oceánida. Y el
primer argumentu como xunidá y sentíu d’europeos que la defenden foi na dómina
del Imperiu carolinxu, col que’l Reinu d’Asturies caltuvo rellaciones.
La llingua asturiana ye milenaria. Surdida del estáu
más antiguu de la Península Ibérica. La xunidá na diversidá europea de la que
somos parte entá nun se respeta nesti llau del continente. Entá nun se
cumplen los drechos llingüísticos que
puxen pola oficialidá del nuesu idioma, nuna nidia discriminación coles otres
autonomíes con llingües propies.
Europa apúrremos ferramientes como la Carta Europea
de les Llingües Rexonales o Minoritaries. N’Europa hai 40 millones de falantes
de les 30 llingües minorizaes na Xunión Europea según la UNESCO. Nesta carta
nel so artículo 7, reconozse’l drechu “d’una aición resuelta pal fomentu de les
llingües minoritaries col envís de salvaguardales”, asina como “la facilitación
y fomentu del emplegu oral y escritu na vida pública y privada”, “la provisión
de formes y medios afayadizos d’enseñu y
estudiu de les llingües minoritaries en tolos niveles”.
La Declaración Universal de los Drechos Humanos o la
Declaración Universal de los Drechos Llingüísticos tamién protexen a les
llingües minorizaes. Asina la primera diz nel so artículu 19 que “tou individuu
tien drechu a la llibertá d’opinión y espresión” mentes que la segunda reconoz
en detalle’l significáu de falar na llingua propia de les comunidaes
minorizaes.
Europa encamienta al gobiernu asturianu dende
múltiples instancies (como la de recién d’ELEN), a la Declaración d’oficialidá
del asturianu, preséu fundamental pa la so sobrevivencia. La Xunta Xeneral
cumpliría meyor la so función si nun se prohibiera l’usu de la nuesa llingua na
so sé y atendiera al llema: seyamos más europeos respetando los nuesos drechos
como asturianos, cultural y llingüísticamente.
Xuntemos d’esti mou, en mayu, la cellebración del Día d’Europa col Día de
les Lletres Asturianes, qu’estrena Premiu Nacional de Lliteratura Asturiana, nuna
pallabra: Oficialidá.
Fonte: La Voz de Asturias
Una hestórica, fabulosa, elegante, y perclara declaración de principios en favor de la oficilidad de la llingua asturiana. Fabulosu y elegante alegatu a los derechos a utilizar oficialmente nuesa mesma llingua y una argumentación del tou convincente, inclusive pal parlamentu asturianu que tan reticente ye a la so reconocencia .
ResponderEliminarPerbién plantegáu. Dende la primitiva Europa acuñada por Hesíodo hasta llegar al Reinu d'Asturies, primitiva y primer España, y al asturianu averándonos por fin a la Carta Europea de -yos Llingües Rexonales o Minoritaries na UE, nel so artículu 7, reconocida pola UNESCO, citando la Declaración Universal de los Derechos Llingüísticos que protexen a les llingües minorizadas como nel casu del ASTURIANU, reclamando al traviés d'organizaciones como ELEN la Declaración de la oficialidá de la llingua a la XUNTA XENERAL del Principáu a lo que tenemos derechu cultural y lingüísticamente como asturianos, y maridando nesti mes de mayu la celebración del Día de les Lletres Asturianes col Día d'Europa, un maxistral reclamu de la OFICIALIDÁ.
ResponderEliminar¡Qu'oyan los políticos, esos devaluaos personaxes que creen que tou lo saben y que tienen derechu a tou, hasta interpretar les necesidaes y deseos del pueblu, los sos ¿inermes? alministraos!
Bien acertáu.
ResponderEliminarCom va dir el President Companys, totes les causes justes del món tenen els seus defensors. En canvi, Catalunya només ens té a nosaltres.
ResponderEliminarDoncs recordeu que Asturies i l'asturià només us té a vosaltres. Ni lleis, ni ELEN, ni drets. Tot el que no guanyeu vosaltres, ho guanyaran els contraris a vosaltres.
Güei n'Uviéu ye la gran manifa pola oficialidá, vamos ver el númberu de xente porque güei ye el gran día de les lletres asturianes.
ResponderEliminar