4/5/17

LibrOviedo entama’l vienres na plaza de Trascorrales

Presentación de LibrOviedo esti martes

La 24 Edición de la Feria del Llibru de la capital, que foi presentada esti martes, pola conceyala d’Educación y el presidente de LibrOviedo, va tener llugar na plaza de Trascorrales dende’l vienres 5 hasta’l próximu 14 de mayu.
La conceyala d’Educación, Merced González y Leonardo Prado, presidente de LibrOviedo presentaron esti martes, en rueda de prensa, la 24 Edición de LibrOviedo, qu’anguaño cunta con una web específica con tola programación.
La conceyala felicitó a l’Asociación de Llibreros d’Uviéu “por esta nuevu edición" que se va celebrar del 5 al 14 d’esti mes na plaza de Trascorrales”. Un total de 85 actividaes y la presencia de 35 escritores son dalgunes de les cifres d’esta feria que, ente otres novedaes, va incluyir cine al campu, un showcooking pal públicu infantil al cargu de Cuadonga, l’asturiana de Master Chef Junior 3, rutes lliteraries o una nueche gastroliteraria basada en “Xuegu de tronos”.
Tamién va ser novedá “la participación de 200 escolares que van visitar LibrOViedo y que yá tán trabayando nes sos aules la obra de Gloria Fuertes una y bones anguaño cumplir un sieglu de la so nacencia”, indicó González, de la que convidaba a toos y toles uvieines y al públicu polo xeneral a pasase pola feria, “concebida como una gran llibrería”.                                                                                         Fonte: asturnews.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.