12/5/17

Preséntase en Xixón 'Llibru nuevu' de Bello

"Llibru nuevu" de Xuan Bello

 Venti años depués de ‘Los caminos secretos’, el Premiu Nacional de Lliteratura Asturiana torna a espublizar un llibru de poesía. 
 Esta tarde, a les 20 hores, va presentase na llibrería La Buena Letra de Xixón (c/ Casimiro Velasco 12) 'El llibru nuevu' de Xuan Bello. Esti llibru editáu por Saltadera recueye cincuenta poemes del escritor.
 En ‘El llibru nuevu’, l’autor “esamina la propia esistencia dende una perspeutiva arriquecida que se  mueve de lo personal a lo xeneracional y social. Constrúi d’esta manera un llibru políticu nel sentíu más esencial de la pallabra, un estudiu de la xeoloxía de la vida que nun dexa filón ensin remover, cola intelixencia y la maestría del que conoz bien el valor consolador y provocador de la pallabra por más qu’anuncie querer ‘salise de les palabres’ pa usales como guía más que como conxuru. Bello algama nesti llibru los momentos más altos de la so obra poética, convertida agora nuna reflexón sobre la vida na que nada nun ye ayeno por más que too paeza estraño”, apunten dende Saltadera.
 Nel actu de presentación acompañará al autor el tamíen escritor y periodista Pablo Antón Marín Estrada, amás de responsables de la editorial.                             Fonte: yexixon.com

1 comentario:

Los comentarios tán pendientes de moderación. Espublizaránse lo primero dable.