15/5/17

Educación comprometese a baxar les tases universitaries

Universidá d'Uviéu

  La Conseyería d’Educación rectificó la so posición inicial y comprometióse a baxar les tases universitaries, anque nun concretó una propuesta». Ye’l resume que los miembros del Conseyu d’Estudiantes fixeron esta selmana pasada del alcuentru que caltuvieron col conseyeru d’Educación.
 Según ellos, Genaro Alonso faló-yos d’una “baxada brutal” nes matrícules pal cursu 2019-2020.Sicasí, creen que se trata de «una treta» porque, aseguren, el Principáu «nun piensa apurrir nengún dineru a la Universidá» pa complementar lo que dexaría de recaldar pol pagu de tases de matriculación, «que yera lo que-yos ciscábamos» y lo que reclama tamién el rector, Santiago García Granda.
 Los alumnos ven nos planteamientos d’Educación «un castigu a la Universidá y a los universitarios por da-yos problemes y señalar la so falta de sofitu a la institución. Lo que nos ta diciendo ye que si queremos baxada de tases, pagar nós». Por eso, porque nun ven «voluntá política» pa resolver esta cuestión, aseguren que van caltener les movilizaciones.                                                                                      Fonte: asturnews.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.