24/5/17

Ya ta na cai el númberu 161 de la Revista LA SIDRA

El númberu correspondiente al mes de mayu  puede alcontráse ya na mayoría de los chigres asturianos




Redaición InfoAsturies
 La revista mensual LA SIDRA, dedicada dafechu a la bébora`l país, vien d’espublizar el so númberu 161, nel que dedica un interesante artículu a la polémica prohibición, pola llexislación española, de la tradicional sidre de pera y otru, tamién polémicu, sobro la falta de sofitu que’l “Principado” da a la sidre asturiano.
 Inclui tamién artículos sobro les folixes sidreres del mes, como la Fiesta de la Sidre de Sotrondio  y la tradicional Preba de Gascona, sobro la presentación de la nueva collecha de Sidre d’Escoyeta, na que “s’estrenó” la collecha 2.016 de la meyor sidre de los llagares de Foncueva, Muñiz, Trabanco y Peñón,  y munchísima más información d`actualidá sidrera, asina comu prestoses recomendaciones de sidreríes per tola xeografía asturiana.

 Esta revista, que lleva más de trece años cubriendo puntualmente la información sobro la sidra mes a mes, puede recibise’n casa, faciéndose sociu  o esfrutase nun de los cientos de sidreríes (tanto de dientro como de fuera d’Asturies) que la tienen a dimposición de los sos veceros.                                                                                       Fonte. infoasturies.com

2 comentarios:

  1. Lla Revista La Sidra, esta vegada col númberu 161, yá ta convirtiéndose nun clásicu d'Asturies.

    ResponderEliminar
  2. La sidre vasca ta xintando la partida a la sidre asturiana, verdadera sidre per otru llau, tan muncho meyor organizaos y véndenla meyor y con más sentíu.

    ResponderEliminar

Los comentarios tán pendientes de moderación. Espublizaránse lo primero dable.