20/5/17

El Campoamor acueye l’estrenu de “Los cantares que cantaben a los neños” dientro del ciclu “La Escena Contemporanea”


  El teatru Campoamor acueye l’estrenu de “Los cantares que los cantaben a los neños”, dientro del ciclu “La Escena Contemporanea”, que se va representar esti sábadu día 20, a les 20 hores.
  “Los cantares que cantaben a los neños” dientro del ciclu de teatru “La Escena Contemporanea” va representase n’estrenu absolutu’l  sábadu 20 de mayu a les 20 hores nel Teatru Campoamor, qu’anguaño celebra’l so 125 aniversariu.
  Los actores y actrices principales de la obra – que recibió’l XXIV Premiu SGAE de Teatru Jardiel Poncela-, Luis Alija, Nerea Vázquez, Sandro Corderu y Ánxeles Arenas presentose esta selmana y Luis Alija definió la obra, producida por Saltantes Teatru y Y.C., so la dirección de Cristina Suárez, “como un testu distintu nel qu’un atentáu afecta a la vida de les persones, a los familiares de la víctima, venti años dempués (…) Ye enfrentanos a ETA y ponelo nel contestu del teatru”. “Son datos históricos que conviden a la reflexón”, apuntó Nerea Vázquez.
  Sandro Corderu indicó que “cuando me llamaron pa trabayar nesta obra foi una gran allegría. Nesta obra nun hai nin bonos nin malos”. La obra lliteraria ‘Patria’ coincide en munchos aspeutos con esta obra.                                                        Fonte: asturnews.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.