L'actu académicu del Día de les Lletres contó con una presencia destacada d'autoridaes. Ciudadanos acudió per primer vegada, tando nel Teatru Campoamor los sos trés diputaos.
Ente los asistentes destacó la presencia de Genaro Alonso, conseyeru d’Eduación y Cultura; Fernando Padilla, direutor xeneral de Planificación Llingüística y Normalización; asina como representantes de tolos grupos políticos con representación na Xunta Xeneral, y dellos alcaldes y conceyales.
De la FSA-PSOE acudieron, ente otros, Wenceslao López, primer edil d’Uviéu; Gerardo F. Llavona, de Cabranes; y Rogelio Pando, de Colunga. Pel PP, foi la conceyala uvieína Elisa Fernández Rivas, mentes que de Podemos acudió la diputada nel Congresu, Sofía Castañón; el voceru na Xunta Xeneral, Emilio Léon; la conceyala de Somos Uviéu, Andrea Álvarez, y el voceru de Xixón Sí Puede, Mario Suárez del Fueyo.
Los diputaos Gaspar Llamazares y Concha Masa, por Izquierda Xunida (IX), tuvieron presentes nel Campoamor, amás de Faustino Zapico, conceyal d’IAS en coalición con IX en Mieres. En representación de Foro tuvieron la senadora Rosa Domínguez de Posada, asina como Ana Montserrat López Moro, conceyala d’Educación y Cultura de Xixón, y Esteban Aparaciu, conceyal de Seguridá Ciudadana y Tráfico de Xixón.
Mentes, por Ciudadanos, formación que nun acudió n'años anteriores, acudieron los trés diputaos de la formación, Nicanor García, Luis Armando Fernández Bartolomé y Diana Sánchez Martín, asina como dellos ediles. Tamién asistió Amparo Antuña (Independientes de Noreña), alcaldesa de Noreña.
El rector de la Universidá d’Uviéu, Santiago García Granda, vicerrectores y profesores universitarios, asina como sindicalistes y otres munches personalidaes completaron el llistáu d’autoridaes presentes nel actu académicu del Campoamor. Fonte: asturies.com
Queda clara la so postura y la so voluntá d'avanzar nel procesu de la oficialidá, pero los sos xefes y coadláteres políticos nun-y dexen.
ResponderEliminar