27/5/17

La llingua aragonesa, nueva asignatura de Bachilleratu

El Gobiernu d`Aragón aprueba un plan d`estudios que incorpora esta asignatura nel norte del país
La Fabla nel Bachilleratu aragonés
 El Gobiernu autonómicu, conformáu por una coalición del PSOE y de la Chunta, impulsa un avance mui importante anque insuficiente, por mor de l`ausencia d`oficialidá y el calter namás comarcal de la midida, na normalización llingüística del aragonés nos valles pirenaicos onde pervive con mayor fuercia.
 Nel nuevu plan d`estudios de Bachilleratu ye detallada la metodoloxía que se tien que aplicar nel so enseñu dende`l viniente cursu, marcando una serie d`instrucciones a los profesores pa que impartan l`asignatura.
José Ignacio López Susín, direutor xeneral de Política Llingüística del Gobiernu aragonés

 Va tar estructurada en cuatro bloques didácticos: enseñu oral de la llingua, enseñu escritu, conocencia de la llingua ya educación lliteraria. Amás se plantega que nun debe ser una asignatura estanca, sinon que hai que promover l`usu del aragonés nes clases d`otres asignatures, como puen ser les matemátiques.                                Fonte: infoasturies.com

4 comentarios:

  1. Agora la fala aragonesa ye asignatura de bachillerlatu nel norte d'Aragón y tal como n'Asturies ensin oficialidá de la llingua.

    ResponderEliminar
  2. Perbona noticia, tamién nel norte aragonés va faciendo camín. Y qué ye de curlyfroggy y albentestate que non dan señales de vida nel blogue. Tamién paez que llugás ta de baxa llingüística, ¡alantre, home!

    ResponderEliminar
  3. N'Asuries ye vital la oficialidá de la llingua.

    ResponderEliminar
  4. Vitalidá y oficialidá, premises necesaries pa la pervivencia de les lligües, per casu na fabla aragonesa y na llingua asturiana.

    ResponderEliminar

Los comentarios tán pendientes de moderación. Espublizaránse lo primero dable.