27/12/13

Zarzuela nun escaez el bable

Vitor Suárez Otru añu más, cola Nuechebona, produciráse la marxinación hacia la llingua asturiana nel discursu del Rei, que sí tendrá versión nes correspondientes llingües oficiales autonómiques. Pero nun se trata d’un despiste, la Casa Real ye consciente dafechu d’ello y en declaraciones al mediu catalán “Nació Digital” tienen espresao lo que vien darréu: “Hemos de cumplir la llei con procuru, y la llei diz qu’hemos de respetar les llingües cooficiales. Y si l’Estatutu d’Asturies dixere que’l bable ye cooficial, tornaríemoslu al bable” Ye dicir, qu’escudándose nun fechu anómalu como ye que la llingua asturiana nun seya tovía oficial, la Casa Real obvia’l nuestru idioma del so discursu, y desprecia la normativa actual qu’obliga a les instituciones a protexer y afalar el so emplegu. Otru añu más, vuelven a espeyanos qu’esa institución que diz representar a tolos ciudadanos del Estáu, nun respeta a Asturies nin a los asturianos y, amás, a sabiendes. Fonte: Blogue En caldia

7 comentarios:

  1. El problema como siempres ye que n'Uviéu el gobiernín asturianu nun quier la lllingua asturiana como ente oficial. Esi ye'l grave problema qu'abasnamos y sufrimos y non otru.
    Pa les próximes elecciones al parlamentu europeu toos votu masivu en blancu, prtecisen una bona llección de respetu al pueblu.

    ResponderEliminar
  2. Y Gaspar Llamazares, votando en Madrí contra la llingua ¿escaez el bable, Vity?

    ResponderEliminar
  3. ¡Ai Gaspar! qué contradictoriu y qué raru ye.

    ResponderEliminar
  4. Doncs més clar no ho poden dir: si no té "etiqueta", no existeix. Sense un article a l'Estatut que digui que l'asturià és "llingua oficial", no hi ha res a fer.

    Ara, en part (només en part) discrepo en que el problema sigui el govern asturià. Crec que una part molt important ve també de què la població no es mobilitza ni té consciència de la importància de la seva llengua.

    ResponderEliminar
  5. Ende ta l'inquiz de la cuestión, la terrible pasividá d'una mayoría silenciosa que queriendo la oficialidá pasa de too o nel meyor de los casos prefier que los demás dean la cara y, velo al traviés de la ventana y de la prensa.

    ResponderEliminar
  6. Tomasa ye que Gaspar ye un cazurrín finu pa vivir del cuentu, ¿chinu, asturianu, zamoranu, madrilanu...?

    ResponderEliminar
  7. ...camaleónicu Nadia, camaleónicu.

    ResponderEliminar

Los comentarios tán pendientes de moderación. Espublizaránse lo primero dable.