TRES LA SENTENCIA FAVORABLE A UNA PROFESORA
UVIÉU. El sindicatu Unitariu y Autónomu de Trabayadores de la Enseñanza n'Asturies (Suatea), solicitó a la Conseyería d'Educación qu'abone "darréu" a tol personal emplegáu públicu la parte proporcional de la paga estraordinaria del 2012, "como pasu previu a la recuperación de la paga completa y a la eliminación de los recortes salariales pal personal al serviciu de l'alministración".
El pidimientu realizóse per mediu d'una nota de prensa, tres la conocencia de qu'una de les sos docentes afiliaes ganó'l contenciosu contra l'Alministración autonómica pol que s'obliga a esti últimu a devolve-y la parte proporcional de la paga estraordinaria de xunu del 2012.
El sindicatu esplicó que la sentencia, que ye firme y nun almite recursu d'apelación, ye "un llogru" de los servicios xurídicos de Suatea. "Esta sentencia vien añadir a otres nel mesmu sen, dictaes polos Xulgaos Contenciosos Alministrativos nº 1 de Palencia, nº 1 de Teruel, nº 4 d'Alicante y nº 2 de Mérida", esplicaron. Fonte: Europa Press.
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.