El músicu y periodista Fernando Argenta, promotor de programes de divulgación de la música clásica como 'El Conciertazo' y 'Clásicos Populares', morrió a los 68 años d'edá, según confirmó a Europa Press la Sociedá Xeneral d'Autores y Editores.
Fernando Argenta, fíu del director d'orquesta Ataúlfo Argenta, compatibilizó la so carrera de Derechu na Universidá Complutense colos estudios superiores de Música nel Real Conservatoriu Superior de Música.
En formando parte del conxuntu de rock Micky y Los Tonys (1960-1965), entró en 1971 en Radio Nacional d'España, onde en 1976 creó'l programa 'Clásicos Populares', que cumplió 32 años ininterrumpíos n'antena hasta'l 2008. Ente 1986 y 1989 foi tamién director de Radio 3 y Radio 1, de Radio Nacional d'España.
De la mesma manera, dende l'añu 2000 y hasta la so prexubilación nel 2008 dirixó y presentó en TVE'l programa 'El Conciertazo', centráu n'averar la música clásica a los más mozos.
Amás de la so faceta como conferenciante y escritor, destaca'l so llabor d'espardimientu de la música clásica ente los neños, realizando un promediu de 80 conciertos añales.
Ente los numberosos premios que recibió cabe destacar dos Ondes, el de Montecarlo, trés APEI de Radio y de Televisión, tres Premios de la Música de la SGAE, siete ATV de l'Academia de Televisión, ún de los Premios de Comunicación de la Universidá Carlos III de Madrid, Micrófonu d'Oru, dos Antenes d'Oru, el premiu Unicef Comité-Español 2008 pol so fomentu de la cultura en defensa de los derechos de la infancia, y el de Medios de Comunicación y Mención Especial d'Educación de la Confederación Andaluza de APA. Ta tamién en posesión de la Medaya d'Oru al Méritu nes Bellas Artes. Fonte: Europa.Press
Foi un divulgador incansable bien imaxinativo y orixinal de la música clásica pa toles edaes pero especialmente entornáu nel públicu infantil. De raza -y venía al galgu, reconocimientu eternu pal gran músicu Fernando Argenta.
ResponderEliminarPadre y fíu: dos grandes de la música.
ResponderEliminarYe una pena, la xente asina sí que ye perimportante nel planeta Tierra.
ResponderEliminarVamos ver cuando sale otru como él.
ResponderEliminarTrabayó muncho y perbién colos escolinos de Xixón nel teatru Xovellanos coles visites culturales que realizó pola desmitificación de la música clásica ente los más nuevos y la so conocencia polo xeneral.
ResponderEliminarGloria al músicu.
ResponderEliminar