20/10/12

Reclamen que la web del Ayuntamientu de Mieres tea tamién n'asturianu


Conceyu Abiertu por Mieres reclama que la web del Ayuntamientu tea tamién n'asturianu.

La formación mierense reclamó nun comunicáu que la páxina web del Ayuntamientu tea tamién la so versión en llingua asturiana, aniciativa que s'amesta a la de Conceyu Abiertu por SMRA díes atrás.

Conceyu Abiertu por Mieres desplicó que "La páxina web del Ayuntamientu de Mieres, muérganu dixital oficial de la institución municipal, nun ufre a los usuarios de la rede la posibilidá de visualizar la mesma na llingua asturiana. Dende Conceyu Abiertu por Mieres, depués de dexar dalgo de tiempu al nuevu executivu llocal pa que tornara esta situación, queremos desixir que se nos dea la posibilidá d'una opción de visualización d'esta páxina tamién na llingua propia d'Asturies y del Conceyu de Mieres".

Poro, piden la versión n'asturianu porque "entendemos qu'un conceyu como'l de Mieres, claramente asturfalante, nun pue permitise tener la páxina web oficial namás na llingua castellana. El fechu de que la páxina www.ayto-mieres.es nun tea una versión de visualización n'asturianu tresmite una imaxe de pasotismu pa col ciudadanu, alloñando ainda más la institución municipal del pueblu. Poro, dende Conceyu Abiertu por Mieres entendemos que la realidá llingüística que se vive nes cais del conceyu nun se correspuende col diseñu monollingüísta d'esti mediu dixital".

Amás, despliquen que "dende la plataforma Conceyu Abiertu por Mieres, atalantamos que la situación del asturianu ye pergrave y yá son dellos muerganismos internacionales los que señalen que con esti camín de falsa normalización l'idioma d'Asturies ta nel camín de desapaecer dafechu. Una bona midía de normalización sedría ufrir una versión n'asturianu de la páxina web municipal y asina contribuyir a caltener viva la nuesa llingua, cosa que yá ficieron dellos conceyos de la redolada de Mieres".

Nesi sen, consideren que "L'alministración, depués de munchos escándalos y de xenerar situaciones discriminatories, yá foi avisada y llama a orde con esti tema, con resoluciones xudiciales inclusive, que llamaben a fomentar l'emplegu y usu l'idioma dende l'alministración pública. Nesti sen, sedría importante que'l gobiernu llocal y los responsables de la web punxieranse manes a la obra y normalizar y fomentaren l'emplegu del asturianu na páxina web, que ye un muérganu de l'alministración mierense na rede".

Crítiques a IX-LV

Pa finar manifiesten que "nun queremos escaecer a la xente qu'Izquierda Xunida-Los Verdes, llevaba nel conceyu enantes de ganar les eleiciones, nel so programa eleutoral, el compromisu de dignificar y normalizar la posición del idioma propiu del país. Ye una irresponsabilidá qu'enantes de ganar les eleiciones prometieran afondar nesa normalización llingüística y qu'entá nun ficieran nada. Ciertu ye qu'hai prioridaes agora mesmu, xestionaes, por ciertu, malamente hasta'l momentu, pero los ciudadanos mierenses asturfalantes tienen drechos irretrucables nesta materia y tienen de cumplise".

Fonte: Infoasturies

22 comentarios:

  1. Ta quintándovos credibilidá´l que fagáis ecu d´un grupúsculu del que tol mundu del mundín anda diciendo que son el caballu de troya del asturianismu. son una dolcena de persones en tol país, y cuatro gatos remanando cuatro blogs. Anden torgando tola unidá d´aición posible y formen parte del virus "andechización" que percuerre de parte a parte la reivindicación nacionaliega.

    ResponderEliminar
  2. Tu sí que yes un virus. ¿Qué más da quién promueva un drechu?

    ResponderEliminar
  3. ERROR BÁSICU DE PLANTEGAMIENTU, SANTUYANU...ASÍ VOS VA

    ResponderEliminar
  4. ¿Asina nos va a quién?¿a Conceyu Abiertu?

    ResponderEliminar
  5. Entós nun sé a qu'esperen IX,Compromisu, PP,Foro,..pa reclamar estes coses.Meyor que se propongan a quedar callaínos. Amás l'andechización ye buena porque por definición ye trabayar en comuña.

    ResponderEliminar
  6. Estes noticies faen país. Una asemeyada dala Asturnews.

    ResponderEliminar
  7. Sí, la de SMRA.

    ResponderEliminar
  8. dende l'esterior de les engarradielles intestines20 de octubre de 2012, 21:57

    Non hai que pelease entre vos y lluchar pola oficialidá de la llingua que ye lo que interesa de verdá, ye asina ¿o non? interesa la cultura asturiana y la nuesa llingua y non les vueses engarradielles.

    ResponderEliminar
  9. Pero ye que nun vos decatáis. ¿quién afala les "engarradielles internes"? ¿Nun veis que son los mesmos de siempres dende hai dos décades? ¿Nun vos decatáis que tán usurpando la reivindicación llingüística pa dar la imaxe de que son tovía dalgo y que puen dixebrar el movimientu? Nun seais tan inocentones...

    ResponderEliminar
  10. Les reivindicaciones llingüístiques son siempre bienllegaes vengan d'onde vengan.

    ResponderEliminar
  11. Non: había que facer un cordón sanitariu con esta xente. Tán infiltraos, Sábelo tol mundiu.

    ResponderEliminar
  12. Vaya un cacao mental que tienen dalgunos.

    ResponderEliminar
  13. Eso ye verdá. Hailos que tracamundien les coses.

    ResponderEliminar
  14. Les coses y les llingües, hermanu.

    ResponderEliminar
  15. Hai munchu anónimo equí nestes llínees que ye perfácil pero poco compromisu cola llingua.

    ResponderEliminar
  16. IX -LV tan como siempres, nun hai nada nuevu. Muncho falar de la llingua asturiana pero morre de desaniciu, mentires, y ensín apoyos de naide y menos de IX que solo quier como perru falderu que ye recoyer les migayes que cayen -por erru o comenenciuda conveniencia- de la fartuca y bien sirvida mesa del PSOE.

    ResponderEliminar
  17. Pero la xente vótanlu, ¿porqué ye? ¿hai motivu? el so interés pol asturianu ye nulu.

    ResponderEliminar

Los comentarios tán pendientes de moderación. Espublizaránse lo primero dable.