El Serviciu de Normalización Llingüística de Corvera entama unes xornaes sobre l'audiovisual n'asturianu, que van desarrollase ente'l 24 y el 26 d'ochobre en Les Vegues, Corvera. Toles proyecciones, que son de baldre, van facese na Sala d'Arte del Centru Sociocultural de Les Vegues, a les 19 hores.
L'actividá va empezar el 24 d'ochobre cola proyección de curtiometraxes de Pablo Quiroga -depués va facese un alcuentru col director-. Un día depués van proyectase los tres primeros episodios de la web serie Chatarrona, producida por Ámbitu Audiovisual. El 26 d'ochobre, les xornaes van acabar cola proyección de la película McLintock, western protagonizáu por John Wayne y Maureen O'Hara y dobláu al asturianu por Gonzali Producciones.
Fonte: Les Noticies
http://www.lesnoticies.com/lesnoticies/noticies/corvera-entama-unes-xornaes-sobre-l'audiovisual-n'asturianu/10564
ResponderEliminar