Bildu camuda nos cartelos de carreteres guipuzcoanes el términu Francia por Baiona

La Diputación Foral de Guipúzcoa va asitiar señales coles denominaciones Gipuzkoa y Lapurdi nes llendes ente'l territoriu guipuzcoanu y esa provincia del País Vascu francés. Amás, nes señales sustituyóse'l términu Francia pol de Baiona. El gobiernu foral dirixíu por Bildu argumenta que ye p'afacese a los estándares europeos, qu'establez la indicación por ciudaes y non por estaos, y «reflexar meyor el sentir de la ciudadanía guipuzcoana». Los nacionalistes vascos llamen Lapurdi a una de los tres provincies del País Vascu francés, a la qu'inclúin xunto col País Vascu español y Navarra, dientro d'Euskal Herria.

Según informó nun comunicáu, la institución foral afixo 28 señales de la N-1, N-121, GI-636, GI-20 y diverses carreteres de la contorna. Nes carreteres que xestiona Bidegi, la AP-8 y la AP-1, el cambiu de carteles va realizase esti vienres. En total, van cambiar nueve señales, nes qu'en cuenta de Francia va figurar Baiona y Bordeaux. Per otru llau, la Diputación empezó a instalar señales qu'indiquen la llende territorial ente Lapurdi y Guipúzcoa. En concreto, van asitiase señalizaciones na ponte de Santiago, nel de Behobia y nel de Biriatu. D'esta manera, toles llendes del territoriu guipuzcoanu van tar señalizaos, porque enagora namás taben les llendes dientro del Estáu español.

Fonte: Les Noticies