Iniciativa pol Asturianu vien de solicitar a la direutora nueva de RTVE n'Asturies, Patricia Álvarez Ramos, un conceyu pa proponer la inclusión del asturianu dientro de la cobertura informativa p'Asturies y pa tratar cuestiones rellatives al usu toponímicu y llingüísticu que se fai na Radio Televisión Pública.
TVE ta acabantes de presentar un informativu diariu d'ocho minutos, complementariu a "Panorama Regional", nel qu'otra vuelta la llingua vehicular ye l'español. Creemos qu'esti podría ser un bon espaciu pal emplegu del idioma asturianu con total normalidá y una amuesa al ente de comunicación públicu de la demanda qu'hai d'esti tipu de conteníos, ausentes de la cadena pública dende la esperiencia pilotu nel yá mentáu "Panorama Regional".
D'otra miente, esperamos que la rempuesta de la Direutora seya positiva y podamos sentir l'asturianu na cadena pública española.
Fonte: fueya web d'Iniciativa pol Asturianu
más info: asturnews
¿Pa que caltener una tv autonómica si nun dedica tiempu enforma a la llingua propia?
ResponderEliminarLo mesmo digo pa les desconexones autonómiques de les canales estatales.
ResponderEliminarIgual vuelve Próspero Morán a presentar les noticies¿que fora nos años 90,non?
ResponderEliminarPa esto ye meyor que desaparezca y aforraríamos un montón de perres.
ResponderEliminar