9/10/12

«La Razón» escontra les sovenciones al asturianu


El diariu La Razón publica na edición del 8 de setiembre una noticia onde se critiquen les subvenciones pa la normalización del asturianu. Pal diariu conservador, «gastar» 32.000 euros pa rotular «etiquetes de morciella y quesu» ye un gastu chocante nun momentu de crisis «y nun parez el más afayadizu pa normalizar una llingua, que per otru llau, nun ta reconocida como oficial».


El periódicu dirixíu por Francisco Marhuenda afirma que, no que va d'añu, el Gobiernu asturianu dedicó 320.000 euros a promocionar l'asturianu y el gallego-asturianu na lliteratura, nos medios y na sociedá, anque afirma que ye dalgo «chocante» que l'Executivu autonómicu decida promocionar el nuestru idioma «al traviés de les etiquetes de los embutíos, los quesos o los menús de los chigres». Depués, la noticia de La Razón fai un repasu peles empreses que recibieron una partida pa etiquetar n'asturianu o pa ufrir dalgún serviciu a los veceros nesti idioma.

Desque Francisco Marhuenda ye director, el diariu foi protagonista de delles polémiques, sobre too por dalgunes portaes. La edición del 9/05/2012 llegó a ser criticada pol prestixosu diariu francés Le Monde, porque aparecíen les fotografíes de cinco estudiantes con nomes y apellíos y debaxo de les imaxes un testu calificándolos d'axitadores por llamar a la participación na manifestación contra los recortes educativos. Nesi momentu, el sindicatu d'estudiantes d'España decidió denunciar al periódicu.

Fonte: Les Noticies

13 comentarios:

  1. claro, y lo que nun ye chocante ye qu'haiga sovenciones pa etiquetar n'español o perres pa la Fundación Francisco Franco y pa Danaes.
    Nun diz nada tampoco de les perres qu'aforren "gracies" a que l'asturianu nunye oficial.

    ResponderEliminar
  2. ¿Cuantes perres dirán a parar a esti panfletu de Marhuenda vía sovenciones?

    ResponderEliminar
  3. Estn quier dicir que cuando pase la crisi tarán a favor de la oficialidá y del etiquetao n'asturianu.

    ResponderEliminar
  4. UGT + CCOO = llistos y permangantes = políticos fracasaos.

    ResponderEliminar
  5. Si són tan efectius amb l'asturià com ho són amb el català, encara us faran un favor i aconseguiran que els asturfalantes prenguin consciència de la necessitat de l'oficialitat.

    Com deia en Salvador Dalí, l'important és que parlin d'un... encara que sigui bé.

    ResponderEliminar
  6. Hai muchos vividores nesti país de charanga y pandereta y munchos lliberaos ensín dar golpe.

    ResponderEliminar
  7. Los sindicatos tendríen que funcionar a cuenta de les cuotes de los sos afiliados y non a cuenta del estáu, el restu son cuentos chinos y ganes de vivr a costa de toos ensín dar palu al aigua.

    ResponderEliminar
  8. Hòstia.

    La Razón + asturianu = CCOO + UGT + lliberaos + palu al agua...

    Les connexions neuronals d'alguns comentaristes són inescrutables.

    ResponderEliminar
  9. ... + Ayuso = lo meyor pa Cataluña.

    ResponderEliminar
  10. Ayuso ye la voraz tisoria de la censura de güei día, muncho meyor qu'aquella de fai quarenta o cincuenta anos, qu'esanicia lo que nun-y convién, pero va pel mundu presumiendu de demócrata, rapazones.

    ResponderEliminar
  11. Pal alleranu, si de verdá ye asina tendríes que demostralo con pruebes.

    ResponderEliminar
  12. Lo que ye verdá ye que ye un babayu

    ResponderEliminar

Los comentarios tán pendientes de moderación. Espublizaránse lo primero dable.