El cursu ‘on line’ d’asturianu pa emigrantes entamáu pol Conseyu de Comunidaes Asturianes y la Conseyería de Cultura y Turismu, ‘Falar y más falar’, tien una perbona acoyida. Un centenar de persones de siete países matriculáronse nél. De 60 hores de duración, ‘Falar y más falar’ “tien una orientación práutica y quier animar, al traviés de numberosos exercicios y situaciones, al usu oral y escritu de la llingua asturiana”, afirmen dende’l Gobiernu asturianu. Esti cursu recueye los rudimentos y normes básiques de la escritura correuta del asturianu y fai posible un averamientu práuticu al so usu n'ámbitos cotidianos: el trabayu, el mediu urbanu, los viaxes o les nueves teunoloxíes. Les persones inscrites van disponer de profesores 'on line' con tutoríes personalizaes y axustaes al so nivel de conocencia al traviés d'Internet y van poder participar en foros específicos nes redes sociales.El centenar de persones matriculaes tienen el so domiciliu n’otres comunidaes del Estáu, Arxentina, Brasil, Chile, Cuba, Méxicu, Noruega y Uruguai, y pue desendolcar les clases dende un ordenador en cualisquier parte. ‘Falar y más falar’ ye’l primer cursu ‘on line’ nel que puen participar los socios de tolos centros asturianos del mundu y ta coordináu dafechu dende Asturies.
Fonte: asturies.com
Espublizáu orixinalmente por Llugás
Loso siguidores del blogue vemos que albentestate publica entraes nel blogue añediendo eso d'espublizáu orixinalmente por Llugás ¿ye qu'él nun puede faelo por dalgún motivu técnicu o de otra índole? perdón pola intromisión y gracies.
ResponderEliminarEfeutivamente, tengo problemes teunicos nel blogue, qu'espero iguar ceu.
ResponderEliminarEsti ye un blogue magníficu onde los sos siguiores ayúdanse pa mantenelu vivu y diariu. Palantre collacios, que ye muncha la xente que lo llee y lo sofita. Salú.
ResponderEliminargracies pola pequena parte que me toca.
ResponderEliminar