El canal públicu,que fasta agora emitía per satélite,emite dafechu en gaélicu.
El muerganismu de gobiernu del ente públicu de televisión vien d'anunciar la incorporación de BBC Alba,el canal públicu en gaélicu escocés,al sistema de Televisión Dixital Terrestre n'Escocia. Dende'l so entamu nel añu 2008 al traviés del cable y el satélite,el canal vien esperimentando un espoxigue d'espectadores que fizo a la direición de la televisión decidir la so xunción al sistema de televisión n'abierto del país.
Dende la BBC apúntase qu'Alba ta atrayendo nuevos falantes a la llingua gaélica,polo qu'asperen que la entrada na TDT seya un pasu más na visiblilización y puxu de la llingua d'Escocia. Poro,por cada televidente falante de gaélicu hai cuatro que nun lu falen,debío a que la mayoría de programes amesten sotítulos n'inglés.
Reaiciones polítiques
El recién escoyíu primer ministru escocés,el nacionalista Alex Salmond, valoró positivamente'l pasu dáu:
"Aumentar l'accesu a la BBC Alba complementa los trabayos en cursu d'esti Gobiernu pa construyir un futuru caltenible pal gaélicu al cellebrar la so contribución a la nuesa cultura y sociedá y afitar una xeneración nueva de falantes del gaélicu n'Escocia."
Una llingua minoritaria
El gaélicu escocés anguaño ye faláu por alrodiu de 60.000 persones nes rexones norteñes rurales d'Escocia,lo que supón menos del 1% de la población del país.
Fonte: Infoasturies
con 60 mil falantes y otres pa otres llingües con más falantes too son torgues, prohibiciones y faltá de voluntá política.
ResponderEliminar¿tamién hai TV en escocés o lalans?