La Escuela de Branu d’Asturianía, va formar a 23 descendientes d'emigrantes

Recupérase la Escuela de Branu d’Asturianía, que va formar a 23 descendientes d'emigrantes

por Pablo R. Guardado 23 mozos y moces procedentes de 19 comunidaes asturianes repartíes pel mundu participen dende esti llunes n’Uviéu na Escuela de Branu d’Asturianía. L’oxetivu ye averar la cultura y tradiciones asturianes a estos fíos y nietos d’emigrantes. Ésta ye la cuarta promoción de la Escuela de Branu d’Asturianía, que l’añu pasáu, baxo gobiernu de Foro, nun se celebró. “Convócase cola finalidá de formar a monitores de cultura asturiana, na especialidá de gaita y baille, favorecer el conocimientu de la cultura y les tradiciones autóctones, y reforciar los vínculos que xunen a los emigrantes pertenecientes a centros y casas d’Asturies repartíos pel mundu”, amás de p’algamar que “les xeneraciones nueves conozan la realidá de l’Asturies actual y convivan con mozos d’otros coleutivos, creando una rede qu’estreche los llazos cola tierra de nacencia de los sos padres y güelos”. Asina, nel Institutu Adolfo Posada reciben, a lo llargo del tol mes, clases de cultura y sociedá, llingua y lliteratura asturiana, folclór, percusión, gaita y baille tradicional en xornaes d’ocho hores llectives. Nesta ocasión el númberu de participantes asciende a 23, de los que 12 son mozos y 11, moces. La mayor parte d’ellos, 17, proceden d’América Llatina, en concreto de los centros arxentinos de Tucumán, Rosario, Comodoro-Rivadavia, Mar del Plata, Mendoza, Buenos Aires, Santa Fe, Paraná y La Plata (12); de los chilenos de San Fernando, Valparaíso y Santiago (3); de la Ciudad de México (1); y de la población brasileña de São Paulo (1). Tamién tienen representación los centros de Bruxeles, Gasteiz, Logroño, Valladolid y Barcelona. Según los datos aportaos pol Gobiernu, dende la so creación nel añu 2002 pasaron poles trés promociones anteriores de la Escuela de Branu d’Asturianía 73 monitores de 32 centros que, gracies al so llabor, provocaron un aumentu del númberu bandes de gaites y grupos de baille nes sos comunidaes d’orixe y algamaron la implicación de mozos y moces del llugar nestos coleutivos. Fonte. Asturies.com

Emigrantes piden l'enseñu del asturianu al Gobiernu

Los emigraos asturianos piden al Gobiernu que se fomente l’enseñu del asturianu.

El II Congresu d'Emigración Moza Asturiana n'Europa celebróse esta fin de selmana n’Alcobendas (Madrid), organizáu pol Conseyu Comunidáes Asturianes, l’Axencia d'Emigración y FICA con representantes d'emigrantes de tol estáu, Suiza y Bélxica.

Nél alcordóse solicitar a la Conseyería de Presidencia’l fomentu de los cursos de formación en llingua asturiana mesmo en llínia, que presenciales, pasando a formar parte del Plan Estratéxicu d'Emigración 2013.

Fonte: Asturnews

Plataforma per la Llengua asoleya'l llibrín "Bună al català" una guia empobinada a la comunidá rumana

Diumenge passat vam presentar a la Parròquia Ortodoxa Romanesa de Sant Jordi el llibret Bună al català, un material bilingüe (en català i romanès) adreçat a la comunitat ortodoxa i de parla romanesa que viu a Catalunya. El llibret ha estat editat per la Plataforma per la Llengua conjuntament amb la Parròquia Ortodoxa Romanesa Sant Jordi de Barcelona i amb l'Associació Romanesa de Catalunya (ASOCROM), i el seu objectiu és mostrar els vincles que històricament hi ha hagut entre les realitats romanesa i catalana i apropar la llengua del país a la població romanesa de religió ortodoxa que ha arribat a casa nostra durant els darrers anys.
El llibret va ser presentat a tots els assistents de la missa del diumenge per l'Arxiprestre Aurel Bunda, qui ha signat el pròleg del llibret. Aurel Bunda és historiador i teòleg, i arribà a Barcelona a finals del 2001 per organitzar la primera parròquia romanesa de Catalunya. El Pare Aurel va fer una presentació de la guia en català, i va demostrar així ser un altre exemple de nou català que ha adoptat la llengua del país d'acollida i que l'utilitza en l'espai públic amb tota normalitat. També hi va assistir el director de l'Associació Romanesa de Catalunya (ASOCROM), que també ha col·laborat en l'elaboració del llibret i en la traducció al romanès.
A l'acte va assistir també un equip de TV3, que en va fer un reportatge que va ser emès en el Telenotícies migdia de diumenge 24 de juliol. Veieu-lo a: http://www.tv3.cat/3alacarta/#/videos/3637390 (minut 18.32).
S'han editat 3.000 exemplars d'aquesta guia, que es repartiran per ajuntaments, centres del Consorci per a la Normalització Lingüística, entitats de persones immigrades, a l'entitat Casa Eslava i també a entitats que fan tasques d'acollida, a partits polítics i a particulars. També es pot consultar en format digital a: http://www.plataforma-llengua.cat/estudis/interior/84

Fonte: Plataforma per la Llengua

Un centenar d’emigrantes matriculáronse nel cursu en llinia ‘Falar y más falar’

El cursu ‘on line’ d’asturianu pa emigrantes entamáu pol Conseyu de Comunidaes Asturianes y la Conseyería de Cultura y Turismu, ‘Falar y más falar’, tien una perbona acoyida. Un centenar de persones de siete países matriculáronse nél. De 60 hores de duración, ‘Falar y más falar’ “tien una orientación práutica y quier animar, al traviés de numberosos exercicios y situaciones, al usu oral y escritu de la llingua asturiana”, afirmen dende’l Gobiernu asturianu. Esti cursu recueye los rudimentos y normes básiques de la escritura correuta del asturianu y fai posible un averamientu práuticu al so usu n'ámbitos cotidianos: el trabayu, el mediu urbanu, los viaxes o les nueves teunoloxíes. Les persones inscrites van disponer de profesores 'on line' con tutoríes personalizaes y axustaes al so nivel de conocencia al traviés d'Internet y van poder participar en foros específicos nes redes sociales.

El centenar de persones matriculaes tienen el so domiciliu n’otres comunidaes del Estáu, Arxentina, Brasil, Chile, Cuba, Méxicu, Noruega y Uruguai, y pue desendolcar les clases dende un ordenador en cualisquier parte. ‘Falar y más falar’ ye’l primer cursu ‘on line’ nel que puen participar los socios de tolos centros asturianos del mundu y ta coordináu dafechu dende Asturies.
Fonte: asturies.com
Espublizáu orixinalmente por Llugás

Cursu d'asturianu en llinia pa emigrantes

La Oficina de Política Llingüística ta acabante anunciar la creyación d’un cursu “que nagua aprovechar les ventayes de les nueves teunoloxíes y dar a conocer esti idioma ente los descendientes de los emigrantes asturianos”. El plazu pa inscribise va rematar el seis de mayu, coincidiendo col Día de les Lletres Asturianes. Trátase d'un programa que va dexar a los asturianos de cualesquier parte del mundiu, deprender la llingua de so dende les sos cases o centros asturianos, nos horarios y al ritmu que cada persona prefiera.

El cursu nómase 'Falar y más falar' y va otorgar a los participantes nesta iniciativa un diploma a la fin del cursu. Pa inscribise ye preciso unviar la fueya de preinscripción a la direición falarymasfalar@gmail.com. P'apuntase ye necesariu disponer d'un ordenador con accesu a internet y una cuenta de corréu lletrónicu pa facer tutoríes y p'unviar y recibir el material didáuticu.

Los conteníos van facilitase nun discu compautu a cada alumnu. Les duldes van poder resolvese al traviés de tutoríes personalizaes per aciu del corréu lletrónicu o los servicios de foru de les redes sociales.

El cursu va constar d'un total de 60 hores llectives, a lo llargo d'ocho selmanes. Les feches d'entamu y finalización de les clases van comunicase a cada alumnu con una antelación mínima de diez díes. A la fin del cursu fadráse una preba escrita. Los alumnos que la superen van recibir un certificáu qu'acreita les sos conocencies.

Fonte: Asturnews