Fecha por persones que nun tienen esti idioma como primera llingua y despliquen el so procesu d'adopción.
L'Asociación Plataforma per la Llengua asoleya una guía titulada “El català també és meu” cola que quier defender y promover l'usu del catalán y el so deprendimientu como daqué qu'arriquez y y que ye beneficioso pal recién llegáu a Cataluña.
Una de les carauterístiques d'esta guía ye que ta fecha por persones que nun tienen el catalán como primera llingua y conocen el procesu afayadizu d'adopción llingüística y l'esfuerciu y beneficiu que supón deprender la llingua. Asina, dende la so propia esperiencia, despliquen les estremaes fases que siguieron como son l'averamientu al idioma, francer el xelu y soltase a falar, atopar ámbitos d'usu, pescanciar que ye una bayura cultural pero non escaecer la so identidá y llingua materna y los beneficios que da socialmente. Arriendes d'esto, y pa furrular meyor como elementu integrador, la guía ta en castellanu y catalán nun solu llibru.
Plataforma per la Llengua presentó'l día 31 de mayu esta guía nel Institut d'Estudis Ilerdencs con una conferencia del mesmu nome a cargu de Martí Gasull, coordinador de l'Asociación, y Josep Anton Fernández, miembru la executiva y profesor de la UOC. La presentación de la guía y la conferencia sirvió tamién de presentación de la propia asociación en Lérida.
Plataforma per la Llengua lleva 17 años trabayando pola llengua catalana y defendiendo'l so usu en toles estayes sociales “como llingua propia de Cataluña”.
Una de les carauterístiques d'esta guía ye que ta fecha por persones que nun tienen el catalán como primera llingua y conocen el procesu afayadizu d'adopción llingüística y l'esfuerciu y beneficiu que supón deprender la llingua. Asina, dende la so propia esperiencia, despliquen les estremaes fases que siguieron como son l'averamientu al idioma, francer el xelu y soltase a falar, atopar ámbitos d'usu, pescanciar que ye una bayura cultural pero non escaecer la so identidá y llingua materna y los beneficios que da socialmente. Arriendes d'esto, y pa furrular meyor como elementu integrador, la guía ta en castellanu y catalán nun solu llibru.
Plataforma per la Llengua presentó'l día 31 de mayu esta guía nel Institut d'Estudis Ilerdencs con una conferencia del mesmu nome a cargu de Martí Gasull, coordinador de l'Asociación, y Josep Anton Fernández, miembru la executiva y profesor de la UOC. La presentación de la guía y la conferencia sirvió tamién de presentación de la propia asociación en Lérida.
Plataforma per la Llengua lleva 17 años trabayando pola llengua catalana y defendiendo'l so usu en toles estayes sociales “como llingua propia de Cataluña”.
La guía presentada'l 31 de mayu ye dafechu de baldre y fíxose una tirada de unes 250 copies. El que quiera tener accesu a ella, pue faelo contautando cola propia Asociación, magar que la guía tamién foi repartida en seyes centros de recursos d'escueles, en centros d'acoyida y en cases conceyos pa que tol mundu puea tener accesu a los sos conseyos.
Descarga la guía equí: El català també és meu
Fontes: diari la mañana miércoles 1 de xunu de 2011, Plataforma per la Llengua
Perinteresante iniciativa integradora al traviés de la llingua d'acoyida. Encamentable pa imitar nel nuesu país.
ResponderEliminar