La campaña ‘¡Erre qu’erre! ¡Reduz, reutiliza, recicla!’ yá llegó a Llaviana. La Oficina de Normalización Llingüística del conceyu de la cuenca’l Nalón ta acabante de poner en marcha esta actividá dirixida al seutor del comerciu.
La conseyería de Mediu Ambiente y la Oficina de Normalización de Llaviana busquen con esta campaña “sensibilizar a la ciudadanía del pelligru que supón la contaminación, amás de fomentar actitúes respetuoses pa col mediu ambiente. Con esos oxetivos los comercios participantes na campaña van distribuir tres tipos de materiales: bolses reutilizables con información sobre reciclaxe, cuadernos de papel reciclao con conseyos mediuambientales y cartelos esplicativos”. Tolos comerciantes interesaos en participar nesta campaña de normalización de la llingua del país puen recoyer el material na Oficina de Normalización Llingüística, na plaza Armando Palacio Valdés númberu 1 de La Pola Llaviana.
Esta iniciativa, que tamién ta furrulando n’otros conceyos como Cangas del Narcea, Siero o Ḷḷena gracies a la collaboración ente servicios al traviés de la Rede de Normalización Llingüística nos Conceyos, tien ayuda económica de la Conseyería de Cultura y Turismu.
Fonte: Asturies.com
Llaviana ye de los conceyos que más fai pa la normalización de la llingua. Non como otros qu'anguaño nin siquier pidieron la oficialización(nun entamaron el procesu) de los sos topónimos tradicionales como afita la Llei.
ResponderEliminarTamién en Cangas de Narcea:
ResponderEliminarhttp://www.asturnews.com/index2008.php?idn=11234