Xentiquina va ser protagonista d'un doble cedé y DVD por cuenta de la xubilación de Nacho Fonseca, el so creyador. Pablo A. Quiroga Prendes va dirixir un documental que se va editar nun DVD y que recueye al traviés de delles entrevistes la hestoria del grupu, les sos espublizaciones discográfiques y lliteraries, y el so usu nes escueles d’Asturies.
Amás va editase un doble cedé onde 24 grupos de la escena asturiana van facer un homenaxe y reconocencia a la trayeutoria musical de Seliquín y Xentiquina, versionando ún de los munchos temes que son yá tradicionales nes aules de primaria asturianes. Ente los músicos que van participar van tar nomes como Tuenda, Tejedor, Skama la Rede, Soncai System, Los Berrones, Llangres, Mala Reputación o Anabel Santiago.
La intención d'esti trabayu ye que valga de «ferramienta pedagóxica pa mayestros y mayestres de llingua asturiana y de música, lo mesmo que valieron y siguen valiendo los discos del coru de neños Seliquín primero y Xentiquina detrás». Y ye que, dende mediaos de los años 80, les escueles de primaria n’Asturies cunten con una ferramienta pedagóxica única pa les clases del área de Llingua Asturiana y de Música, ello ye, el material que, de primeres Seliquín, dende Porrua, y depués Xentiquina, apurren a estos centros.
Fonte: Les Noticies
Información apurrida por Manuel
Xentiquina fai yá dende munchos años constituyó y sigue siendo un referente, un mediu, y un recursu pedagóxicu bien importante pa munchos y munches mayestros y mayestres na educación musical n'Asturies. Uno de los colexos colaboradores dende'l su entamu, cuando se grabó'l primer discu de Xentiquina, foi'l decanu de Xixón -más de 60 años educandu ne'l centro la ciudá- que nun ye otru que'l Colexu Públicu Jovellanos allugáu na cai de la Mercé frente al Arango. Norabona a Xentiquina y felicidaes a Nacho Fonsea na so merecida xubilación.
ResponderEliminarSí que ye verdá, el colexu públicu Xovellanos de Xixón dende fai munchos años siempres y agora -ye daqué tradicional nesti centru-trabayó abondo y perbién na educación musical colos sos escolinos, somos privilexaos testigos d'esceición.
ResponderEliminar