L'"Asociación Asturiana d'Archiveros y Xestores de Documentos" encamienta a nun emplegar el diccionariu biográficu como fonte informativa de referencia pola so suxetividá.
Fontes de l'Asociación denuncien la falta d'oxetividá del trabayu de la "Real Academia d'Hestoria", refugándolu como referencia informativa. Amás critícase a la institución pol so desapegu pa cola universidá, una de les principales causes,según l'AAAXD, de la falta de prestixu y rigorosidá de los sos trabayos.
La polémica surdió col apartáu dedicáu a Franco pol so calter revisionista y enaltecedor del dictador, fecha pol hestoriador asturianu Luis Suárez,averáu a la "Fundación Francisco Franco".
La "obra" supunxo un coste de más de 6 millones d'euros en dineru públicu.
Fonte: Infoasturies
En dellos puntos ye una auténtica llaceria y una chambonada, paez mentira pala Real Academia d'Hestoria. Ye una gran desprestixu pa la mesma que xenera rocea de cara al so presente y pal so futuru académicu... ye una vergoña pública y una pública vergoña (y con fonsdos públicos)
ResponderEliminarTa perbién refugao... con 6.000.000 de razones públiques ¡cómo tamos!
ResponderEliminara ver si de pasu repasen la Hestoria manipulada d'Asturies y refugen dafechu'l Covadonguismu inventaú pol nacionalcatolicismu que tanto dañu fixo y fai p'Asturies.
ResponderEliminarHai d'estremar el Covadonguismu franquista de la hestoria de Cuadonga como aniciu de la Nación Asturiana.
ResponderEliminarla hestoria de Cuadonga nun ye'l Covadonguismu inventáu pa xustificar unos pegoyos hestóricos patrios que pretendien enraigonar la nación española muncho más p'allá nel tiempu de cuando ñació.Ye una hestoria perronera más y otra tochada hestórica como tamién lo de da-y yá una organización política cuando Hispania o cuando los íberos.
ResponderEliminarYá ta bien de falsedaes, nin un euro más pa la Real Academia de la "Hestoria", ¿qué clase d'historiadores tenemos?
ResponderEliminar¡Vaya banda de... "historiadores"!
ResponderEliminar